住酒店/民宿防偷拍｜10個偷拍盲點這個位置最易出事！檢查清楚唔洗擔驚受怕
10個偷拍盲點 這個位置最易出事！
想住酒店住得安心，唔想自己嘅一舉一動都被監視，就要睇睇每次去旅行住酒店都要check邊啲地方，同埋要點樣保護自己喇！
1.煙霧器最高危
煙霧器位於天花板，位置並不顯眼，加上中間一般是暗黑的設計，好多人都唔會留意到。但中間的陰暗空隙，正正就是最適合安裝針孔鏡頭的位置，最要小心！
2.天花板要檢查清楚
好多人去旅行，都會漏咗抬頭check天花板，除了煙霧器，天花板上的燈位、感應器、透風口等等，都是高危位置，千萬唔好因為太高而懶得檢查！
3. 燈掣、叉電位要留意
唔少燈掣、叉電位都是安裝在床邊或對正床頭，位置十分適合偷拍住客。電掣的空隙處，都是收藏勁細針孔鏡頭的好地方。
另外，亦有網民指現時的隱藏攝錄機、IP camera 有許多花款，例如以下這類型的 USB 插頭，裡面也是藏了一個 IP camera！所以，即使房間免費提供 USB插頭，大家亦要先看看有沒有可疑的跡象！
4. 牆角、空隙位置
牆角、櫃與牆壁之間的空隙地方，同樣很容易被忽略，最好是開燈檢查一下角落等陰暗地方，以免中招。
5. 圓形logo望真啲
另外一個冇咩人會注意到的地方，就是有圓形logo的設備，例如英文的「O」等，因為偷拍者會利用圓形的字形作掩飾，用來收藏鏡頭，千萬要小心！
6. 電視都好危險
中山的案例，就是在電視位置發現了偷拍鏡頭！唔想換件衫都被人裝，記得望真啲電視上的掣位、喇叭位喇！
7. 防盜眼好易漏
大門上的貓眼位，可以隨時睇住出面有冇奇怪人，但亦係放針孔鏡頭的好地方。唔想被人24小時望住，記得唔好check 漏！
8. 檢查鏡面
去旅行一定會花好多時間照鏡，鏡面睇落正正常常，可能都隱藏陷阱，其實是一塊雙面鏡！最簡單的檢查方法是把手貼在鏡面，看看手與鏡之間是否存在距離，有的話，就不用擔心，但如果手與鏡面影像完全緊貼，就好可能是雙面鏡了！
9. 關燈檢查奇怪光源
市面一般的針孔攝影機在錄影的時候，都會發出奇怪的紅光或綠光。建議可以將房間的燈全部關掉，留心查看四周是否有奇怪的光線來源，即有可能是被偷錄中！
瞓覺最好關晒燈
好多人瞓覺都會怕黑而開床頭燈，但如果真係不幸入住了被裝攝錄器的酒店，就會提供了充足的光線被偷拍！因此，夜晚最好都係關晒燈，就算被偷拍都會漆黑一片，咩都睇唔到。
網民建議對策：用app偵察房間內的Wi-Fi
有網民建議使用 fingapp 搜尋房東的Wi-Fi 有否連接到可疑的電子產品，例如網絡攝錄機的連線，方便大家即時找出 IP 網絡攝錄機！雖然未必是絕對有效的偵察工具，但至少可以知道 Wi-Fi 連接是否安全。
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
