買衫換季貼士 9個今夏大熱日韓look 返工去街一身清爽
姊妹們，終於等到夏天喇！係時候將之前節食、瘦身嘅成果通通show出嚟。背心、裙仔、草帽，仲有今年大熱嘅荷葉邊、闊腳裙褲……呢啲換季大熱item準備好未？未買齊？唔怕，跟我去銅鑼灣東角LAFORET一趟，嗰度係我換季轉新裝必到蒲點，好多正嘢㗎！
小店嘅優點就係每間都有自己嘅風格，慢慢睇慢慢揀，好有尋寶感覺。
換季必蒲 小店暗藏驚喜位
香港係就係好多商場，弊在全部都係連鎖店，衫褲鞋襪一式一樣，行出街，隨時撞衫。所以行街，我就專搵小店，好似銅鑼灣東角LAFORET就啱晒我心水，兩層商場，都係小店為主，靚衫佔7成，其餘仲有精品、飾物之類嘅小店，逐間睇，好似尋寶咁，一行就行足成個下晝，簡直係女生天堂。
無論日系、韓系嘅最新靚衫都可以喺東角LAFORET搵到。
愛行小店，最大原因係每間嘅品味、格調都唔同，嗰度好多老闆都係親自飛過日本、韓國入貨，咩最興，咩最潮都難逃佢哋法眼。你知啦﹗女仔買衫最需要專業意見，好多老闆仲會教埋你點襯，返工拍拖郊遊……咩場合都應付到。咪講咁多，不如show畀你哋睇下我上星期嘅戰利品，幫幫眼睇下襯得靚唔靚？
日系OL返工最經典嘅配搭，素淨卻不單調，簡單配條珍珠鏈，感覺更加優雅。
黑背心、牛仔短褲最適合夏天出行，清爽得嚟又流露青春氣息。
間條係永恆嘅大熱選擇，配上日系常用嘅醒目黃色牛仔短褲同珍珠涼鞋，好girlish，加頂闊邊草帽，不失文青感覺。
韓劇女主角最愛嘅格仔套裝，斯文又帥氣，最啱出席smart casual嘅場合。
今季日本大熱嘅荷葉邊，中袖設計可以遮一遮手臂，配對舒服嘅涼鞋，著去旅行嘅話，就算要出入靚餐廳，都唔會失禮。
今年韓國流行闊腳褲，怕太鬆身，加條皮帶就可以，襯對白色chunky波鞋就更韓啦！
淨色衫，闊腳褲，簡單清爽，加條小領巾及一對牛津鞋，馬上成為亮點，有幾分日本少女味。
短身t-shirt配牛仔裙好有韓國街頭嘅感覺，加頂cap妹，韓味出晒嚟﹗
夏天去海邊影相，碎花長裙襯籐織帽，非常飄逸搶鏡。
Shop List (By shop no.)
(a)annuus(shop110)
(b)albee(shop156)
(c)CLASSY(shop223)
(d)DREAM VIVA(shop241)
(e)FANTASY(shop242)
(f)FOREVER FASHION(shop120)
(g)JS DRESS(shop202)
(h)Ojo(shop104)
(i) TIGUAR(shop136)
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
