必搶！精選2017日本15大品牌 福袋

Text :Yung | Photo: 有關品牌

【服裝類福袋】

01 | Dazzlin－甜美風少女服裝品牌

走日本甜美風嘅少女品牌Dazzlin推出售價￥10,800(約港幣$739)，內含外套，Onepiece等5樣商品。

尺吋有S，M可選。福袋可於網上先行預約。

http://fashionwalker.com/

02 |Emsexcite－平價掃甜美風外套

同樣走甜美風嘅少女品牌Emsexcite，推出售價分別為￥5,400(售價約港幣$370)及￥7,560(售價約港幣$518)兩種 福袋。兩種 福袋內都有外套一件，福袋可於網上預約。

http://msonline.jp/user_data/preorder_happybag_2017.php

03 | MERCURYDUO－優雅女性服裝品牌

走優雅淑女風的MERCURYDUO 則推出內有5件商品嘅 福袋。當中包括2選1外套，1條裙，針織衫等，福袋可於網上預約，詳情按此

04 | INGNI－輕淑女女性服裝品牌

為保持神秘感，女裝品牌INGNI每年推出嘅 福袋都唔會事先公佈內容，但都超受歡迎！可以話係「福神」。今年INGNI推出兩種福袋分別內含7件及15件商品。福袋可於網上預約，詳情按此

05 | SLY－甜美個性風女裝品牌

福袋內容同樣保持神秘嘅仲有以外套N3B聞名嘅SLY。SLY福袋內有7-13件物品。售價約港幣$739。福袋可於網上預約，詳情按此

06 |Uugrid－沉實風女性服裝品牌

走沉實風格嘅服Uugrid 推出共含5件商品，售價為￥16,200(約港幣$1,109)福袋。福袋內有一件外套。福袋可於Ungrid官網預購

07 | My Melody福袋－着住Melody訓

各位My Melody 迷注意！My Melody日本方面推出內含兩套Melody印花圖案睡衣福袋。福袋本身亦為Melody造型，可愛爆登！可於網上先行預約或到門店購買，詳情按此

福袋售價為3,240yen(約港幣$222)

08 |Samantha Thavasa－可愛系手袋品牌

手袋品牌Samantha Thavasa推出嘅 福袋只需￥1,000(約港幣$69)，就可以擁有原價要兩萬幾日幣嘅皮夾搭配票卡夾、鑰匙包或吊飾。福袋可於網上先行預約，詳情按此。注意需登記成為網上會員，福袋於門市亦有售。

【精品類福袋】

介紹完女裝 福袋，以下就為大家精選精品類 福袋

09 | Starbucks－平價買隨行杯

Starbucks 福袋有兩種，售價分別為￥3,500(售價約港幣$240)和￥6,000(約港幣$410)。內含隨行杯、咖啡豆、咖啡兌換券、記事本或明信片等；大 福袋則多了咖啡用具、杯蓋、玻璃杯等。而Starbucks福袋本身為環保袋，可以再用，包裝得實用又有心思。福袋可到門市購買。

10 |無印良品－超抵價買文具雜貨

提到日本牌子，一定唔少得深受港人歡迎嘅風無印良品。無印推出嘅 福袋分為文具(￥1,000)(約港幣$69)、化妝品(￥2,000)(約港幣$137、 寢具(￥5000)(約港幣$343)、婦人服與紳士服(￥3,000、5,000)(約港幣$206、$343)四種。

除了福袋，無印亦有推出福罐。罐內會隨機放入文具、日本四國和九州地區嘅吉祥物、及價值為當年年份(￥2,017)折價券等，可謂集玩味、實用於一身。福袋及福罐可到門市購買。

11 | Disney－一袋盡掃卡哇依精品

日本Disney產品一向精美，深受各地女孩歡迎。其推出 嘅福袋亦唔例外。售價為￥3,000(約港幣$206)，內含禮品券、Tsum Tsum中型公仔一隻、馬克杯(Mickey Mouse、Minnie Mouse 或 Winnie the Pool)、等10樣精品。福袋可於官網購買，1月2日到日本迪士尼專賣店交收。

12 |Franc Franc－高級家品品牌

高價位家品店Franc franc推出嘅福袋有3種，售價分別為￥3,000(約港幣$206)、￥5,000(約港幣$342)及￥10,000(約港幣$685)，其中￥3,000為門市限定福袋款。
福袋內容主要有毛巾、抱枕、餐具等生活用品及禮券。

13 | Afternoon Tea－時尚家品品牌

除咗Franc Franc，另一家居用品品牌Afternoon Tea亦推出優惠福袋。分分鐘￥5,000(約港幣$342)就可以將成套餐具帶返屋企！福袋可於官網預購！

除咗服裝同精品牌子，日本餐廳亦有推出福袋。

14 | MOS BURGER－吃貨必搶Coupon

快餐店MOS BURGER推出售價￥2,200(約港幣$151)福袋。商品有杯子、瓶子、便當盒以及面值已等同福袋售價嘅現金劵。要注意嘅係現金劵只可以係劵上指名嘅幾間店鋪使用。福袋於12月26日開始於門市發售。

15 | mister Donut－史努比聯乘矚目

mister Donut今年同史努比合作推出兩款福袋。其中一款售價為￥1,080(約港幣$74)，有10個甜甜圈、史努比環保袋、月曆及神秘禮物！另一款售價為￥2160(約港幣$148)，比小福袋多10個甜甜圈、鑰匙圈與保鮮盒。福袋可到門市購買

睇完上以上福袋介紹，大家可能會心郁郁想掃返幾個。即使唔係日本嘅朋友都唔緊要，因為部份品牌都可以上網預約福袋，大家可以透過代購網買到心水福袋，仲可以同朋友集運攤分運費！最後，提提大家各牌子福袋購買方法唔一樣，可能要上網或者門市先有得買，大家記得上官網留意返！

內容延讀：

iPhone 7 Plus聖誕夜攝攻略 3大tips影出夢幻散景

>>> LIKE我們fb <<<
www.facebook.com/newmonday.com.hk