【張晨】對阿爸阿媽嚟講，仔女請佢去旅行，已經係一個感動嘅成就
你都預測到自己要做「提款機」、翻譯員、攝影師、Google Map，仲要成為兩老中間嘅紛爭調解員。
淨係預測，都已經雙腳抖震； 行前一步，必定會墜入深淵。
然而，呢個「深淵」， 近年愈來愈多朋友墜入。
雖然個「墜後感」同大家預測一樣， 同家人旅行都係包含痛苦同辛酸， 不過同時佢哋都話 「係辛苦，但阿爸阿媽又真係幾開心…雖然中間會燥，但點形容呢，總之係開心嘅。」
我體會唔到呢種「開心」， 因為近年自己都少外遊，更遑論「家庭旅行」。
但有一次，阿爸阿媽就Plan緊去旅行，媽媽細細聲問我一句： 「你都係去唔到架啦。」
我輕輕一聲：「嗯…」
「嗯」完之後，我突然諗起，老竇都退休咁劑，阿媽都唔係搵好多……
我行出間房，同佢哋講：「你哋會使幾錢？不如我請你哋啦。」
嗰時，佢哋個笑容，好難忘，唔知點形容，亦真係只有用「開心」嚟形容。 阿媽嘅反應比較激烈，係咁講：「真係架？多謝阿仔！」
激烈到當晚阿媽同啲朋友傾電話嘅內容都係「個仔請我去旅行」。 連阿爸都叫笑住叫佢冷靜啲。
但佢話：「哇，個仔請我哋去旅行喎，不知幾威呀。」
我喺房聽到，覺得嗰一萬幾千，又唔係畀你哋坐頭等，自己都做咗咁多年嘢，有幾威呀… 不過諗諗下，幾多錢唔係重點，「個仔請」先係重心。
或者，每樣嘢都有「成就解鎖」， 對爸爸媽媽嚟講，養育一個小朋友，由供書教學開始嘅春去秋來， 由矮變高；由跟喺後面到跑喺前面， 終於一日，呢個小朋友用自己嘅錢，請佢哋去一次旅行。
即使廉價，但都已經係一項成就。 所謂淡淡幸福，就係： 孩子們毫不經意嘅心思， 父母間引以為傲嘅小事。
我偷偷哋喺房望出去，見到佢哋笑瞇瞇望返住我。 似乎佢哋仲當我係一個細路仔。
我知道，喺佢哋眼中，我永遠都係一個細路仔。
內容延讀：
閨蜜决裂、反目成仇？旅行要小心7大易中伏位
>>> LIKE我們fb <<<
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
