四季配搭必備 名人學生加持 慈善PrintTee
Print Tee可謂一年四季必備潮物，除咗設計簡約，容易配搭外，你更可以由自己性格、喜好、心情而選擇唔同Print Tee上嘅金句或文字，充滿個人化。而今次要介紹嘅Print Tee就係德福廣場以推廣「開心∙任你揀」而舉辦嘅「齊撐慈善CHARITEE」，由不同明星紅人同埋理工大學廣告設計系學生設計嘅 慈善PrintTee ，齊齊發放正能量，而且所有收益都會撥捐予國際培幼會，極有意義，絕對要撐！
明星名人親手設計 慈善PrintTee
今次有福鳥，因為可以有機會買到由10位本地來自各界嘅紅人設計嘅慈善Print Tee，包括：曹星如、盧海鵬、河國榮、方健儀、歐鎧淳、 江忞懿、 小克、Plastic Thing、 青山不墨同埋Cuson Lo，部分更係為咗做善事而第一次參與設計工作。
重點推介由歐鎧淳設計嘅「Feel The Strength Feel The Happiness」，用色配上設計圖案及文字都極具時尚感，由強韌到快樂，由歐鎧淳講出口，特別有說服力；另外小克用經典熊貓icon加心心，簡約設計，絕對長青之選！
正能量系列
除咗10位名人外，仲有一班 學生設計為慈善出一分腦力， 當中正能量系列用咗唔少圖像或金句作主題；而重點推介以黑白色設計嘅「肩並肩」，看似簡單，但其實重點在細節，暗藏兩個人喺字中間，絕對係用心之作。
電影/歌詞系列
歌詞電影對白幾時都係好有影響力，而今次一眾學生都善用歌詞同電影對白設計出一系列Print Tee。「幻覺嚟㗎啫 嚇我唔到嘅」中用唔同顏色嘅線條，造成「幻覺」，好有心思，而且顏色鮮艷，夏天着就啱晒！另外一件「有聲tee」印有「唏呀唏呀唏」加上一點啡色點於上方，幽大家一默！
窩心系列
一連串以窩心句子設計嘅Print Tee，一切從簡卻又令人不禁望多兩眼。「八號風球現正生效」呢句相信係唔少打工人嘅心願，打唔成買件tee開心下都唔過分啊！
備6種顏色及不同尺碼供選揀
除了50款別出心裁的設計外，德福廣場還備有黑、白、灰、粉紅、海藍、軍綠等6色T-shirt，以及成人及小童尺碼可供各位選擇，只要由即日起至9月3日期間逢星期五至星期日，蒞臨德福廣場2期的慈善攤位，捐款港幣100元予國際培幼會，便可獲專人即場印製充滿特色的「快樂CHARITEE」一件，在炎炎夏日中穿着，遊走大街小巷，到處傳揚快樂！
德福廣場「齊撐慈善CHARITEE」
日期: 2017年7月29日至9月3日（逢星期五至日）
時間: 12:00–20:00
地點:德福廣場2期3樓中央展場
公眾查詢: 2243 3717
詳情可瀏覽網站:www.telford-plaza.com
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
