大佛四驅車道 黃埔任你玩
嚟緊復活節，黃埔新天地時尚坊同新蒲崗Mikiki都有迷你四驅車展覽，前者更搵嚟迷你四驅車團M4 CLUB驅樂部設計出1條充滿香港特色嘅賽道，四驅車會繞過天壇大佛、大帽山等地標，快啲帶埋你嘅「私家車」去踩番轉啦！
text-Jessie photo-Man、Billy
非法賽車做槪念
M4 CLUB驅樂部係香港資深迷你四驅車車會，有自己車場，今次除咗借出珍藏車作展覽，重為商場設計咗全球首條以香港地標為主題嘅賽道，設計主腦係著名塗鴉達人Uncle（曾昭昶），佢話今次賽道設計加入非法賽車元素。「喺香港，非法賽車通常都會經過高速公路或大橋，我哋車會喺葵青區，所以就用咗青馬大橋，有青馬大橋，又點少得另1個同佢好近嘅地標天壇大佛？至於點解會有大帽山同啟德隧道？因為喺資料搜集時，知道原來呢兩個係香港嘅非法賽車熱點！」
Uncle
難過跳台關
賽道共有3條軌，全長150米！四驅車會穿插多個香港獨特地標之餘，重有各個唔同難度嘅關卡。Uncle話：「成條賽道最難係青馬大橋部分，嗰度係參照Japan Cup 2013嘅地獄跳台賽道設計而成，好考車嘅平衡同穩定，差少少都會成部車飛離賽道。另1個位就係大帽山位置，嗰度斜度有成40度，少啲力都上唔到去。不過呢條賽道嘅難度比正式技術軌相對較低，所以適合大家一齊玩。我建議玩嘅時候，可以校到部車好高速，玩起上嚟效果就會更好。」
「迷你四驅珍藏展」
日期：即日至4月7日（4月3及5日為跑道試玩日）
時間：12:00nn-9:00pm
地點：黃埔新天地時尚坊地庫
費用：免費
查詢：2121 8344
全港首個Tamiya展
除咗黃埔新天地，Mikiki亦同迷你著名四驅車生產商Tamiya田宮（即係我哋講嘅雙星）香港代理偉高模型合作，舉行全港首個官方認可四驅車主題展覽，場中有兩部全球首度展出嘅1:1真人比例嘅迷你四驅車， 雖然唔可以坐上去，但能夠見到放大版本，車迷一定為之瘋狂。另外，再加上百幾款絕版同經典嘅改裝四驅車同埋子彈車，例如：動畫入面出現過嘅車款、韓國生產嘅特別版、12生肖特別款等等。場內亦有Pop-up Store，重要全場車款有8析，真係冇唔去嘅理由！
4月4及5日喺場內舉辦「田宮迷你四驅車王爭霸戰2015」，勝出者重將可代表香港出戰日本舉行嘅「Tamiya Mini 4WD Grand Prix 2016」賽事，據講賽道難度極高，有360度大迴環路段，要知係點，就要親自去觀戰。
「Mikiki x Tamiya 田宮迷你四驅車極速世界」
日期：即日至4月7日
時間：11:00am-9:00pm
地點：新蒲崗太子道東638號Mikiki地下中庭
費用：免費
查詢：3980 9930
伸延內容：
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
