澳門酒店|閨密情侶必住|每人 $300 住新酒店:包早餐、地點方便
撰文:Kassidy|圖片來源:Caravel Hotel 官方圖片|原文:Gotrip
澳門酒店 設計小巧精緻
酒店最細的雙人房只有 190 呎左右,相比起路氹酒店的巨型套房確實輸蝕。但酒店麻雀雖小,五臟俱全,電視、梳化、獨立浴室全部都有,只是去住一、兩晚絕對不覺有太大問題。而且酒店設計不像豪華酒店般,全都是金色或者只以豪華作賣點,牆上會有不同的照片/畫作做裝飾,對比起路氹酒店來說,就是另一種享受。
極罕見:竟然有三人房!
三人房向來在酒店界已經非常少見,特別是在澳門,一向三個人都要瞓兩張雙人床作罷(迫迫地可以三個人瞓一張 king-sized 床),但 Caravel Hotel 就有提供三人房房型,三張單人床或者兩張單人床加張梳化床,去澳門三人行唔使再屈喺同一張床!
5分鐘行到去大三巴
入住呢間酒店最大憂慮定必是交通問題,但據酒店跟其他入住住客反映,只要步行5分鐘就可以去到大三巴,可謂旺中帶靜的區域。酒店沒有提供穿梭巴士,住客想由碼頭前往 Caravel Hotel,就要坐去十六浦酒店的穿梭巴士,再步行過去了!
網民點評:乾淨、早餐略嫌簡單
不少住客入住過後留下的意見都是酒店非常乾淨,而床褥被鋪等十分軟熟,位置方便之餘,酒店職員態度很好。美中不足之處就是酒店早餐太過簡單,只有麵包、咖啡等提供,不過以有早餐加住宿來說,整體的 CP 值也是非常高。
最平$300一晚 包早餐
最抵住房型一定是三人房,一晚 900 蚊連稅,除開每人每晚大約 $300,已經包埋自助早餐,唔使特地在澳門到處搵早餐食。而標準雙人房最平 $609 一晚,兩小口或者閨密去都只係 $330 左右一個人,比起其他酒店絕對是平得多!而且是新開業兩年左右,設施都非常新淨,唔使再住喺澳門半島有十幾年歷史的酒店。
Caravel Hotel (卡爾酒店)
地址:澳門通商新街 96-126號
電話:+853-2825-0108
價錢:雙人房一晚$609起,另加10%酒店稅(訂購網址)
香港有甚麼地方適合與閨密、情侶,一大班朋友去?
與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!
家居清潔有甚麼好方法?
家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!