消委會親身教路！10招幫你保養靚滑皮膚

撰文：BAG ｜ 圖片：新傳媒資料庫｜ 資料來源：消委會

消委會親身教路！10招幫你保養靚滑皮膚

護膚由洗面做起 6大洗面迷思！

1. 清水洗面走天涯？

很多人都堅持無添加，以大自然最大的威力—清水洗面，但就成效而言又是不是最好？坊間的潔面産品一般都加入了surfactant，這種物質有助除去油脂以及污垢，效用亦遠超清水。若你面油分泌嚴重，更建議你使用具控油效果的產品。

2. 過百種潔面産品，點揀好？

市面上一大堆産品，而且每款都都標明自己有護膚功效，到底點揀先好？除了要解自己是乾性定油性皮膚，更要小心産品內有沒有MIT和CMIT等防腐劑，這兩種物質一般都是致敏源。更要避免其它的化學物質好像甲醛及添加香料等。

3.每日洗面洗幾次？

很多人都有相同的疑問，更可能覺得洗得越多越好。消委會提醒，最好或是一早一晚來個深層清潔，但時間不宜過長，亦千萬不要過密。過度清潔會令皮膚變得乾燥，適量的油脂其實有保濕的作用。

4. 男女産品大不同？

男生的油脂分泌生來就較女生們嚴重，男生的護膚産品一般都具較利害的控油功效。

5. 美白係咪真係美到白？保濕又係咪保到濕？

針對保濕的功效，坊間的産品都會加入甘油、透明質酸、椰子油、植物或礦物油等成份，對於一群經常唔搽Cream的人絕對有幫助。至於美白方面，一般均會加入維他命C或果酸，它們亦可能是致敏源的一種。

6. 洗完面仲要保養？

消委會提提你，洗完面後謹記搽上保濕用品或面霜，令肌膚增加光澤。最好岀街搽埋防曬！

面要洗得啱 必睇以下4大正確步驟

針對洗面的迷思，以上6大招又解唔解答到你問題呢？真正開了水喉，準備洗濕塊面之際，其實還有以下4大正確步驟。

1. 選擇正確産品

洗面洗得啱，第一步就是選擇正確洗面産品，避免選用含酒精刺激類産品，盡量選用性質溫和不具研磨性之物。

2. 溫水洗面加按摩

吱下洗面奶前，先用溫水濕濕面部，吱岀適量産品並搓至起泡。以手指輕按面部皮膚，千萬不要使用布、刷或海綿等工具，以免刺激。

3. 沖水

同用溫水沖走面部泡沫，並以毛巾輕按及吸走水份。

4. 保濕保濕，記得保濕

洗完面記得保濕，搽保濕用品時千萬不要用力抹眼部週圍，那邊的肌膚都較脆弱。

內容延讀：
睇粒暗瘡咩色就知咩事！三大絕招搞掂三種皮膚問題！