【Miss Sunny】想做氣質女神？跟蒼井優學嘢啦~
廣告
有種女生，身上總係散發出清純嘅氣質，令人不斷去注視，就如日本女優「森林系女孩」 蒼井優 ，純真嘅眼神加上治癒嘅笑容，一塵不染嘅佢頭上好似出現光環一樣。想好似蒼井女神咁與眾不同，首先你要學識以下3種神技︰
Text – Miss Sunny Photo – 部分為網上圖片
- 自然淡妝
化淡妝其實唔難，難就難在你想化淡妝嘅心夠唔夠堅定，亦要對自己嘅皮膚有信心！好多女生化妝嗰陣本來想畫條又幼又淡嘅眼線，結果因為唔夠信心，最後忍唔住畫番條粗眼線出嚟，始終都係唔敢化淡妝。
- 簡約素服
做人夠簡單，着衫都唔使太花巧~例如一條簡約嘅米白色連身裙，加上少量飾物，重有一對潮人必備嘅白色波鞋，輕易打造簡約風，唔會搶咗自己個樣鏡，又可以畀人一種親切、平易近人嘅感覺，呢種女生特別吸引~
- 皮膚保養
皮膚質素好與壞，視乎平日點樣去保養。所謂「保養」，唔單只講緊揀精華液同敷mask，事實上護膚第一步就係卸妝。女生每日塗上各式各樣嘅化妝品，返到屋企一定要徹底卸妝，將一整日嘅重擔通通卸下，等皮膚得到充分休息，膚質先會好，塗護膚品才會更吸收。蒼井優咁靚、皮膚又好，就係因為保養得宜，所以一定唔可以忽視卸妝環節~
都係嗰句，世上冇醜嘅女生，只有懶嘅女生，想做氣質女神唔難，最緊要係勤力！，你懂的~
