「識用應該咁樣用」！ Cushion粉底 用前要識呢3招

最近CHANEL推出的果凍 氣墊粉底 ，更大受台韓關注，因特製彈性氣墊及一拍清涼效果，被譽為Cushion 2.0，追捧度極高！

不過就算最易用的化妝品，總有人會「唔識用」、「用錯方法」，令本身優點多多的 Cushion粉底「蒙上不白之冤」！其實用 Cushion粉底都有小「竅門」，學識就發現「如何可以不愛它」！

Presented by: Chanel Text: Zoe

用 Cushion粉底必學3招！

雖然Cushion粉底易用又易塗，但都總有不少人有投訴，就話你知究竟怎樣可以去「突破盲點」，善用粉底！

第一招：每周清潔！

謎團1：「 Cushion粉底個粉撲超多菌，搽喺塊面度都唔知會唔會搞到生暗瘡，畀都唔敢用！」

正解：老老實實，不單 cushion粉底，所有化妝工具不勤加清潔，有菌就必然的。正確使用化妝工具，就需要每一、兩周作深度清潔，建議cushion粉撲應每星期清潔一次，不要令其含菌量上升，就可以減少細菌影響膚質，導致長出暗瘡！亦可以準備多一個粉撲，交替使用，就可以乾乾淨淨化靚妝！

第二招：只「印」，不「推」不「抹」！

謎團2：「廣告就梗係話可以搽到水噹噹果凍肌，但我搽親都一撻撻，根本呃人！」

正解：唉！其實你都不懂最正確的用法，就當然不能塗抹出水噹噹的果凍肌喇！塗抹時又大力又推又抹又捽，又如何得到最完美理想的幼滑水潤效果呢？Cushion粉底的正確使用方法是：輕印！先取適量粉底，然後在面上輕輕印開，印時可以用少許「陰力」，那就可令粉底填補肌膚上的凹凸不平，層疊輕印就能增加遮瑕效果，使幼滑度倍升！記住記住記住，不要推不要抹，這樣會令粉底過厚或過薄，就不能做出完美果凍肌效果呀！

第三招：補妝絕招！

謎團3：「嘩，根本cushion粉底勁難用，補妝時用更加令到個底妝又浮又油！」

正解：凡事都要深入研究，為何你用cushion粉底補妝就「又油又肉酸」，人家就可以做出水嫩肌？就是因為你太懶了，在補妝時不做足補妝應有的準備工夫，就直接在肌膚上又推又抹，肌膚污糟又油膩，當然會浮粉喇！正確應在補妝前用紙巾或吸油紙輕印肌膚，除去面上灰塵，再輕印cushion粉底，果凍肌就會重新出現了。