#即睇4大熱門錶款 CITIZEN C7復刻腕錶系列$2000有找即可入手

潮流興復刻，唔少手錶品牌都會推出復刻系列，一向致力於發展領先製錶技術CITIZEN都唔例外，品牌近年就係歷史經典之作中攞靈感推出復刻腕錶系列，好似上年推出嘅CITIZEN C7腕錶系列，就承襲咗1965年誕生嘅Crystal Seven經典設計美學，仲一口氣推咗12款型號的全新腕錶系列，當中有4枚更係重點推介，愛錶之人必買！

Crystal Seven曾係以配備星期及日期顯示的全球最薄自動機械腕錶

Crystal Seven於1965年首次面世，佢配備星期及日期顯示，係當時全球最薄自動機械腕錶，亦都係首枚採用以高清礦物水晶玻璃錶鏡取代亞克力膠嘅日本製造腕錶；錶名嘅「Crystal」就係指呢個礦物水晶玻璃鏡面，而「Seven」就代表一星期有7日，呢個設計喺60年代屬相當嶄新，加上價格合理，難怪當年短短發行一年，就售出超過100 萬枚，力證實力豐厚！

Crystal Seven仲有另一個標誌性特點，就係錶盤上嘅「星期顯示窗」設計同擺位佈局，佢同一般錶款唔同，「星期顯示窗」放喺「12時刻度」嘅下方、CITIZEN商標嘅上面；腕錶「6時」位置上面仲印有風格獨特紋章嘅「Crystal Seven」商標，同標示咗腕錶包含嘅寶石數量。

1965年誕生嘅Crystal Seven，係當時以配備星期及日期顯示的全球最薄自動機械腕錶。

Crystal Seven錶盤上嘅「星期顯示窗」放喺「12時刻度」嘅下方、CITIZEN商標嘅上面；「6時」位置上面仲印有「Crystal Seven」商標，同標示腕錶包含嘅寶石數量。

4大熱門錶款配襯邊啲造型最好睇？

講番呢個CITIZEN C7復刻腕錶系列，上年一共推出了咗具備唔同風格錶盤同錶帶組合嘅12款腕錶型號，全部均配備Cal.8200、自動機械機芯、星期及日期顯示、夜光顯示（指針+小時刻度圓點）、約40小時動力儲存、50米防水功能，仲分有4個唔同風格系列方便因應唔同服飾同場合選擇配襯嘅腕錶，「Dress」就襯高雅紳士嘅style、「Casual」就可以用來配襯日常休閒服、「Formal」最啱襯西裝返工、「Active」就最襯鍾意sporty look嘅人，夠晒動感活力，每組都有3款型號畀你揀。當中必推呢4款：NH8390-71L、NH8395-77E、NH8390-20L、NH8390-20H，呢幾隻錶款有幾吸引？襯邊啲造型最好？即刻解構吓先！