夏天少布是常識吧！3式翹臀操，練出 蘋果臀 做性感女神！

text-Edelweiss （ig：lovedelweiss） photo-網上圖片

蘋果臀 係咪大就靚？

梗係唔係啦，屁股太大或者太細都唔得㗎，要跟番身體比例，最新嘅國際美臀標準是咁的:

1. 下圍要明顯大過腰圍，腰下圍比例大約係0.7∶1，而髖間距同腿長之比例係(1-0.618)：1
2. 屁股要緊實渾圓唔鬆弛，背面睇呈圓形或者桃形，行路嘅時候唔可以搖得太勁
3. 夠翹為之靚臀，屁股向後凸起唔下垂，行路同轉身時都向上翹，由側面睇有明顯嘅上揚曲線
4. 屁股皮膚要光滑、幼嫩有彈性，皮下冇過多脂肪

睇到呢到，唔知你哋做緊乜呢？坐緊喺張櫈到？成日坐喺office唔郁又少做運動，唔健康嘅飲食同生活習慣，pat pat好容易走樣變形，唔想屁股扁平又下垂冇嚟女人味，下頁即睇8個美臀tips加3式美臀操！

美臀tipssssssss

1. 長時間久坐NG！
千祈千祈千祈千祈唔可以長時間坐住，每坐大1個鐘左右，都應該起身行下，按下pat pat穴位，促進血液循環。

2. 唔好企太耐！
長時間坐唔得，長時間企都唔得，企太耐會影響血液循環同新陳代謝，令臀部供氧量唔夠，容易造成浮腫。

3. 識揀梗係坐硬櫈！
鍾意坐皮梳化、瞓軟床嘅人，pat pat會變得鬆軟㗎，好驚囉！相反坐硬質嘅櫈會為pat pat帶嚟反作用力，可以間接令屁股肌肉更緊實！

4. 不良坐姿NG！
坐得唔好唔止影響脊椎，pat pat隨時都會變形添！斜坐會令壓力集中喺脊椎尾端，影響血液循環同埋氧氣供給，只坐櫈前端1/3嘅話，重量就會集中喺pat pat，絕對要改呀！

5. 着番啱size嘅褲吧啦！
好多女仔都鍾意着緊身褲，但唔啱size太緊嘅衫褲同under，係會影響血液循環，令到脂肪堆積，令蘿柚變大！

6. 少少鹹多多索！
高鹽同重口味食物會喺體內積聚水分同毒素，影響身體機能運作，令淋巴循環減慢或者堵塞，身形會變得肥腫難分，食太鹹屁股嘅結締組織會變得鬆弛、水腫㗎！

7. 排走水分！
唔想水腫，就要食多啲蔬菜、水果、豆類、糙米飯同全麥麵包等等，幫助身體排出多餘水分，令屁股線條緊致番。

8. Pat pat都要搽防曬！
難得好天氣，放假當然要去下沙灘、去下船P大玩特玩先對得住自己，但係大部分人都只喺面同手手腳腳到搽防曬，冇乜人會搽埋pat pat，曬得多pat pat都會老化㗎，下次好搽喇！

即學翹臀操！

第1式：站立抬腿

第2式：趴式抬腿

第3式：躺地提臀

內容延讀：
英鎊跌 網購11對$800以下白波鞋
>>> LIKE我們fb <<<
www.facebook.com/newmonday.com.hk