2015秋冬最後1季！告別Marc By Marc Jacobs 15件終極留念必買潮物！

唔計過度系列嘅話，Marc Jacobs年經副線品牌Marc By Marc Jacobs嘅2015秋冬系列，將會係佢嘅告別系列。自今年3月，Marc Jacobs宣布經營咗15年嘅Marc By Marc Jacobs將會結束，並聲稱將MMJ徹底融入於主線品牌Marc Jacobs之中，就好似當年Dolce & Gabbana嘅副線D&G一樣。以下由Katie Hillier同Luella Bartley設計嘅15件MMJ F/W 15女裝新品，主題係「女強人」，所以當中會有啲標語print貫徹整個系列，例如「Choice」、「Suffrage」、「Ou­r Future」、「Solidarity」等等，而且重用咗19世紀嘅英國知名社運人士兼藝術家William Morris嘅橡樹葉圖騰，隱喻女性自強不息。此系列將於8月尾正式發售，要買就快，因為就嚟變絕版喇！