【還原靚靚拳】素顏定整容？韓星韓可露網民熱講堅索！

韓國綜藝節目《真正的男人-女軍特輯》再度回歸，今次搵嚟全美拉、Jessi、韓可露、韓彩雅等女藝人/歌手入伍，雖然第1集已經有人捱唔住而喊晒口，但女軍一出，收視即提升至17%，睇怕都只能繼續頂硬上。為跟隨軍隊規格，女星喺節目中必需素顏上陣，雖然新兵韓可露曾經承認過自己個鼻唔係真貨，但……睇一睇佢嘅舊照……呃我唔到嘅！化妝問題啫！

text-Phoebe photo-網上圖片

有家底有學識

生於韓國嘅韓可露，小學時同屋企人移居美國，到中學畢業後，去咗北京嘅國際藝術學校就讀　因此，呢位女子中文同英文都非常之流利。以模特兒身份入行嘅佢，曾經推出過單曲同EP，近年主攻拍劇。唔知係呼因為鬼妹仔性格，所以對於唔少女星甚介意嘅整容話題，韓可露都照講可也：「雖然話過自己前額、雙眼皮、下巴都做過手術，不過嗰陣係因為覺得咁講好有趣，其實我只係整過個鼻。」嗱！話雖如此，但睇一睇佢歌手時期嘅相，即時明晒點解網友質疑佢唔止整咁少。