網傳 Switch 新色發布+遊戲推介！今次出場嘅係橙粉色！少女心大爆發│買了球鞋再買玩具

撰文：海月、odin｜ 圖片：任天堂、IG@tomothy

網傳Switch新色發布！今次出場嘅係橙粉色！少女心大爆發

Switch推出嘅Game好玩又得意？繼早前任天堂曾推出過「珊瑚粉」Switch Lite主機，今次就輪到Switch推出橙粉色主機，雖然就無之前所講嘅「卡比」限定機，不過都算幾靚嘅（係隻色實咗啲囉）。

新色Switch Lite主機定價為1,490港幣/新台幣6,180元。

另外受武漢肺炎影響，Switch主機生產及出貨都受到影響，所以有買真係襯手！​​​

同埸加映

單機又得，同fd連線打都得！20隻居家Switch Lite/Switch/手遊解悶遊戲

網上聯機家用機系：

1. 任天堂明星大亂鬥特別版

《任天堂明星大亂鬥特別版》匯聚超過75個角色可用，4~8人混鬥，打到眼花繚亂，而且夠晒爽快！做嘢唔開心？喺屋企悶到傻？同班Friend打場交先喇！

2. Tools Up

《Tools Up!》係隻剛推出無耐嘅新Game，同《Overcook!2》差唔多，不過就改以裝修為主題。玩家們要扮演裝修工人，喺限時內按設計藍圖，合力改造房子間格和裝修，無論大小事都要一力包辦，包括鋪水泥、鋪地板、地毯、痴牆紙及擺放家具等，最多支援4人合作，極度考驗玩家默契，同樣係有得上網玩！

3. Overcooked!2

講到派對遊戲，又點少得多人合作遊戲經典的Overcooked!，第一集《Overcooked!》已經係好多人嘅最愛遊戲，第二集當然不能錯過，但小心太激進玩到幾赤口啊！

4. 瑪利歐&索尼克AT 2020東京奧運

踏入2020年，剛好就快到日本東京奧運嘅日子，暫時東京奧運會點就未知，不過呢隻Game就經已出咗。遊戲由官方授權推出，並以日本國民級遊戲人物Mario及超音鼠為主角。遊戲中將錄唔少奧運賽事項目，包括田徑、跨欄、衝浪、跆拳道等等，仲可以網上聯機最多8個人對戰，啱晒成班朋友一齊玩！

5. 路易吉洋樓3

去年10月推出嘅《路易吉洋樓3》，唔只係經典系列作，而且今次更增加到最多可以8人同時網上遊玩。遊戲由Luigi路易吉為主角，講述喺恐怖酒店中以吸塵機捉鬼拯救朋友嘅故事。

6. Tsum Tsum嘉年華

少有迪士尼家用作品，遊戲以超人氣迪士尼Tsum Tsum角色為主角，跟Mario Party一樣收錄眾多Party小遊戲，亦有奧運運動項目例如冰壺、氣墊球、冰上曲棍球等，支援4人網上遊玩啱晒各自屋企開戰！

7. Super Mario Party

超適合幾個Friend一齊玩，仲有超過80個小遊戲，絕對唔會玩到悶～由Mario家族做主角的《Super Mario Party》就最啱一班人玩啦！

8. Mario Kart 8

大膽講句《Mario Kart 8》絕對是第一隻有話題的Switch Party Game，結合技巧及運氣，一秒逆轉排名！上網仲可以成班Friend一齊對戰，咁多場景真係有排玩！

9. Just Dance 2020

近排個個都希望運動多啲，覺得坐定定打機唔夠想強身健體？不如站起來跳舞，雖然唔係同場無得一齊鬥舞，不過依然有得網上鬥高分排名！

手遊篇：

10.一拳超人 最強之男

由玩蟹科技開發，首款以《一拳超人》之主題嘅正版授權動畫遊戲。遊戲結合經典英雄養成，加上回合制策略RPG，將幽默英雄劇情，原汁原味移植到遊戲中，打造玩家英雄與怪人戰鬥，體驗執行正義嘅刺激體驗。雖然係單機遊戲，不過自推出以嚟，人氣席捲手遊界!

11. 部落衝突:皇室戰爭

Supercell旗下首款多人即時卡牌對戰手遊，係網上2人對戰遊戲。玩家要喺三分鐘同解決對手，因為有多種卡牌玩轉策略，所以極考智慧而大受歡迎！

12. Marvel Super War

由網易同Marvel合作推出嘅首款MOBA手機遊戲，遊戲玩法、設定都同《傳說對決》相差無幾，不過一眾遊戲角色轉換成Marvel英雄。喺屋企約埋班Friend一齊組隊，就啱哂喇！

13.直到我中了一箭

新派武俠射擊手遊《直到我中了一箭》，玩法類似《弓箭傳說》，不過就比較簡單，而系統亦比較多變。玩家要用一根手指同一條生命，去挑戰各種經典武俠門派、關卡同BOSS！

14.Another Eden

想單機玩RPG？一樣有好推薦！以王道故事為主軸，而且充滿豐富鑽研要素。玩家可以喺主線同不斷更新嘅支線中遊走，而且不時會有新角色及故事登場。戰鬥系統以指令戰鬥與即時戰鬥並行，相當創新。

15.劍與遠征

有時唔想成日拎著部機，都有放置RPG手遊！《劍與遠征》就係一款卡牌蒐集放置手遊，主打輕鬆養成免煩惱，加上唯美獨特人物風格，策略遊戲都唔一定好難玩嘅！

16. KOF拳皇：群星

一款格鬥類養成遊戲，集合KOF94~98與allstar 各種角色，而且對新手友善，操作簡單就能享受戰鬥快感！玩家擁有可化身為任何一位《KOF》格鬥家的能力，並使用格鬥家的招牌動作來打敗成群的敵人及首領。

17.超異域公主連結☆Re:Dive

擁有龐大的世界觀劇情，以劇情為主打，搭配精緻華麗的動畫場面、細膩的人物刻畫，為50位以上的超萌公主塑造各種獨特性格！玩家將與公主們一起冒險，深化與公主們的甜蜜羈絆，以橫向半即時玩法戰鬥。

18.密特拉之星

以天空被巨大海洋包覆的世界「米特拉斯菲亞」為舞台，係款史詩劇情奇幻RPG，玩家可以扮演自己想要嘅角色來進行冒險。

19. 天黑請閉眼-官方狼人殺

還原狼人殺桌遊面殺的玩法，包括預言家、女巫、獵人、守衛、白癡、狼王等多達26種角色全套齊備外，每名玩家皆公平享有120秒完整的發言時間，並堅持嚴謹的遊戲規則。不論係新手或老手，都能完全享受遊戲！

20. 第五人格

網易首款非對稱性對抗競技手遊。荒誕哥特畫風，懸疑燒腦劇情，刺激的1V4非對稱的對抗玩法，都將給玩家帶來全新的遊戲體驗。