《魔物獵人：崛起》發售 日本公司全體放假安心屠龍 網民：唔玩芒亨都賺到日假

撰文：odin | 圖片來源：遊戲截圖

【魔物獵人：崛起】《魔物獵人：崛起》發售日本公司全體放假安心屠龍

《魔物獵人：崛起(MHR)》尋日終於正式推出啦！今次再度回歸手提機，機迷相當期待，因為除咗網上連機一齊組隊屠龍之外，重可以約埋三五知己出嚟一齊打餐包，只要你有打機相信一定有聽過《魔物獵人(Monster Hunter)》呢隻game，就算你冇打機都一定見過，喺十年前曾經有段時間，經過麥記都會見到成班人圍埋一齊打機，重要一人手拎一部PSP，正正就係「芒亨」最輝煌嘅時候，而家《魔物獵人：崛起》再次回歸Switch陣營，又係時候搵返班獵人一齊聚下腳！早幾日就有一間叫做「Mark-on株式會社」嘅日本科技公司喺「Twitter」度發表聲明，宣佈將會喺《魔物獵人 崛起(Monster Hunter Rise)》推出當日全體放假。

【魔物獵人：崛起】網民：唔玩芒亨都賺到日假

公司董事長「檜山正樹」重喺聲明度表示，因為太多員工喺26號當日請假，於是決定直接宣佈當日全公司放假，聲明發出後獲得接近20萬網民讚好，重大讚係德政添！《魔物獵人：崛起(MHR)》尋日終於正式推出啦！今次再度回歸手提機，機迷相當期待，唔少機迷都狩獵到日夜顛倒甚至無人上班，而喺日本唔少員工都預咗喺發售當日就請假，留喺屋企安心「狩獵」，近乎已經成為每間公司嘅一種集體共識，所以近年來好多老闆都開始著綠燈，放過啲專心狩獵嘅員工，隨住遊戲世代嘅發展，更有唔少老闆體諒員工因為遊戲大作上市而請假，甚至出現好似今次好老闆直接放全公司大假嘅德政，不過唔打機又點呢？咪當賺到日假休息下囉！

相關文章

麥當勞 網吧組隊屠龍？ 細數當年10個聯機聖地 第10位包你估唔到

《魔物獵人：崛起》特備節目懶人包 體驗版part 2公布挑戰怨虎龍 新任務「百龍夜行」詳介;

人魚龍、河童怪、傘鳥 《魔物獵人：崛起》新裝備搶先睇>