盤點11大童年時必玩Online Game 跑Online一定有接觸過！

盤點11大童年時必玩Online Game 跑Online一定有接觸過！

1.跑Online

「估唔到跑都可以咁好玩㗎！」，當年的確冇估到一隻以跑步為賣點的online game可以興起，以不同奇幻場景同「跑法」去作為設定，讓平平無奇的跑步變得好似賽車一樣好玩！相當年「DJ跳」呢個方法真係要練一段時間！

2.勁舞團

跑完步就要跳吓舞！《勁舞團》作為一隻以節奏為主打的遊戲，除了可以考反應之外，亦都可以睇到角色在遊戲中表演舞技。而且遊戲中更能為角色穿上不同服飾，去滿足一眾學生哥的「穿搭夢」。

3.童話Online

元祖級的RPG online game《童話Online》，推出後就備受觸目。最初遊玩時更是「月費制」，唔少學生哥為玩《童話Online》都死慳死抵自己的零食錢，務求可以俾得起月費！

4.巨商

細細個就可以體驗從商的趣味，唔少人加入遊玩《巨商》，遊戲中一路打機一路體驗買賣的樂趣，仲要有一轉，二轉等Level要刷，都真係幾爆肝吓！

5.SD Gundam

以SD高達對戰作為online game，並以高達對戰作為賣點，成為一眾高達迷的最愛。而且抽高達更加入了「扭蛋」元素，令到同學間可以一較高下，睇睇邊個抽的高達更高級。

6.夢之歷險

《夢之歷險》同樣為RPG遊戲，遊戲內的「變身系統」十分具有特色。當時要刷一隻「變身」裝備的話都要需要時間，不過擁有之後當然超有成功感。

7.FEZ Online

主打50 vs 50國戰的《FEZ Online》，成為當時極紅遊戲。每個國家之間都會角力，爭奪最強國家的名號，而且遊戲中的角色亦十分多，玩家更能以3D向操控角色！

8.Heat Project

玩開槍game一定會在細個有玩過《Heat Project》，主打香港景的槍game，角色更有香港軍裝警員可以選擇，仲有旺角街頭地圖玩，好正！

9.彩虹冒險

筆者當時就是玩《彩虹冒險》學識打字！以2D俯瞰形式遊玩的《彩虹冒險》，最吸引的當然是玩PVP，用風劍屈其他玩家於角落，真係勁爽！BTW當時仲要死慳死抵買點數課高級角色。

10.LFO

小朋友齊打交推出的Online版本《LFO》，遊戲人物3D化，當時亦成為了熱門遊戲。筆者當時不才，很多時候都會去高level地區吸人經升lv就算數！

11.亂Online

以「未來風」同「學院風」為主的《亂Online》，推出後不斷萌生出「私服」，當時周街開紅打架真係超爽！