【科技控】中國成都推「電競勸退班」 利用高手粉碎青少年「電競夢」
廣告
近年電競發展飛快，加上台港澳及中國接連喺電競獲得世界冠軍，令唔少青少年更渴望成為職業電競選手或者遊戲主播，最近成都一間電競教育機構就搞咗個「電競勸退」班，專門畀一班發緊電競夢嘅青少年認清自己實力，更派出高手嚟場友誼賽作震撼教育，從而希望佢哋會放棄「電競夢」。
撰文：odin ｜ 圖片來源：新傳媒資料庫
中國成都推「電競勸退班」
根據呢間電競機構負責人話，其實佢哋搞呢間嘢本意係想為青少年完夢嘅地方，為佢哋打造咗個專業培訓基地提昇水平，從而輸送更多電競人才入行，可惜之後發現雖然將一班青少年培訓達到電競俱樂部水準，成功踏入電競選手嘅第一步，但由於職業選手水準愈來愈提昇，唔少達標嘅青少年都未能晉身成為職業選手，加上單靠後天訓練而缺乏天賦嘅青少年難以達標，最終輸出人才有9成以上未能達標而夢碎。
「電競勸退班」利用高手粉碎青少年「電競夢」
因為呢個原因令機構決定改變運作，變成為期2到3個月嘅「電競勸退」培訓班，用嚟評估報班者嘅水準，從報告分析出佢哋是否適合當一位電競選手，以及佢哋嘅水平達唔達標等，令佢哋以及家長可以提前認清呢個事實，期間甚至會搵嚟各種遊戲高手組隊嚟場友誼賽，用實力差距「打謝」呢班青少年，提前畀佢哋知道電競行業到底有幾咁殘酷，如果冇先天優勢，單靠後天苦練難以喺呢行立足咁話。雖然要求咁嚴格，但依然有唔少家長為孩子鋪路，但現實係殘酷嘅，至少有9成以上最終未能達到職業選手嘅標準而夢碎。
有沒有switch遊戲推薦？
作為現時最具人氣的遊戲主機之一的Switch，遊戲種類非常多，必玩最新14款Switch遊戲推薦2022。想一邊打機一邊做運動減肥？這8款Switch健身遊戲絕對令你玩到爆汗，有日本媽媽玩Ring Fit 9個月激減44磅！想慳錢又想玩game，即睇20隻Switch 免費遊戲推薦，總有一款適合大家！
有手遊或者線上遊戲推薦嗎？
以前Online Game都還沒普及，線上小遊戲確為不少90後提供了很多娛樂，當中12個線上經典小遊戲你一定有玩過。《金庸群俠傳》絕對是DOS經典遊戲之一，「在線DOS遊戲」的網站裡面有合共1898款DOS遊戲，無需安裝任何程式！手遊方面，這三款手遊推薦必不可錯過！
