WFH｜打工仔WFH遇上連線問題 上司質疑他「蛇王」並提出無理條件

撰文：odin｜圖片來源：討論區、Pexels官網截圖

WFH｜打工仔WFH遇上連線問題

日前有網民在討論區上發文抱怨，指公司提供的VPN經常出現斷線問題，他曾經向上司反映，卻被對方質疑他「蛇王」偷懶，即使這位員工開直播證明VPN出現問題，但上司仍堅持要求他換新電腦令他感到極度不滿。

這位WFH打工仔在討論區發文指：「公司VPN成日斷線，每次都搞好耐，然後上司就覺得我唔做野，同佢講返個情況，佢又覺得我拎藉口，因為佢用就冇問題，佢覺得佢冇問題，所以佢覺得我連唔到VPN好奇怪，你估我想咩！佢仲要特登視像我，叫我show比佢睇。佢睇完就話: 係咪你電腦問題，不如你換個部？頂你，我做咩都冇問題，係用你個廢材VPN先出事，之前其他同事都試過咁，又唔係第一次，做咩要我換個部電腦？」

此問題隨即引來網民熱議，部份認為問題不在樓主身上：「年初四就俾人窒大吉利是」、「員工辦工所用器材應由公司提供, 就你連不到VPN的情況, 你可要求公司提供」、「起碼你上司都覺得你無問題，問題係部電腦，咁咪俾IT同事睇下攪唔攪到個vpn，攪唔到換機都可能係好事」；亦有不少網民持相反意見，認為樓主唔啱：「咁快就被上司開年, 你上司都幾唔忍得 年初四就鬧你~」、「一間公司咁多人冇問題得你一個有問題唔係你部電腦就係你屋企寬頻路由器有問題」。

WFH｜上司質疑他「蛇王」並提出無理條件

事主指他向上司表明未能連公司VPN的異常情況，但上司認為屬於個別情況，更要求他以手機直播求證，儘管上司看完直播後仍然繼續質疑，認為是事主電腦問題，並要求他更換新電腦，而事主則表明自己電腦沒有問題，問題出自VPN，更直指其他同事亦有類似情況，並非上司所指的個別事件，堅持拒絕更換新電腦。