SmarTone 5G Plan月費價錢終於現身？！同香港寬頻合作推5G原因竟然係……
撰文：海月｜圖片：SmarTone
SmarTone 5G Plan終於現身？！個個出哂月費計劃咁SmarTone 5G呢？
日前SmarTone 5G終於再有新消息，不過竟然還不是月費價錢，而是宣布「同香港寬頻合作推5G」。今次SmarTone表示已跟香港寬頻雙方達成合作協議，會喺將推出嘅SmarTone 5G網絡，用上香港寬頻新一代全光纖傳輸線路（backhaul）連接SmarTone 5G基站。而香港寬頻亦會提供高達100 Gigabit Ethernet嘅高速骨幹網，以及10 Gigabit Ethernet嘅傳輸線路，連接至SmarTone 5G，更係遍佈全港數千個流動通訊基站，推展SmarTone 5G服務。
相對其他已啟動香港5G服務嘅電訊台，SmarTone表示「更重視SmarTone 5G嘅安全性」。因為網絡安全跟可靠性都不可或缺，所以SmarTone決定將旗下嘅點對點SmarTone 5G網絡安全系統內置於網絡每個層面。跟香港寬頻雙方達成合作協議，結合香港寬頻高穩定性及智能防禦互聯網，用上資料連接中斷風險超高恢復能力光纖網絡，有助建立強大及先進的傳輸線路基建。
話雖5G網絡安全重要，不過其他電訊商都經已啟動了5G，但SmarTone 5G卻還未公布月費價錢，真的好嗎？一有新消息我哋會立刻報導，記得留意住New Monday！
Smartone 5G登記網址：https://www.smartone.com/tc/5G/
同場加映
華為5G摺機Mate Xs！行貨天價機能有幾勁？
講起摺機，Mate Xs絕對唔係第一部。早喺上年就有Samsung Galaxy Fold及HUAWEI Mate X，不過Mate X香港並年行貨，而Samsung Galaxy Fold亦未支援5G。所以今次華為5G摺機Mate Xs就成為2020年首部香港見街嘅5G摺機。
華為5G摺機Mate Xs算係上年Mate X嘅改良版，採用HUAWEI 獨有鷹翼摺合式設計，令手機與平板二合為一。平時摺埋個芒係一部手機，一打開就變成一部8吋嘅平板電腦。而且整體硬件：屏幕、摺合結構、5G、相機等方面都有所加強。
摺合鏈鉸內藏超過100組零件，結構設計防止異物進入，而且部分零件使用比鈦合金更硬嘅鋯液態金屬物料加固。華為5G摺機Mate Xs屏幕採用一整塊雙層柔性光學物料製作而成，韌度、壽命比以往單層式設計更高，亦有助提升影像清晰度、色彩飽和度及光亮度。
性能方面，華為5G摺機Mate Xs採用華為研發嘅旗艦5G處理器Kirin 990 5G，內置最高時脈達 2.86GHz嘅8核處理器及DaVinci架構AI處理器，更係市面上唯一採用 7nm+製程嘅5G晶片。而且一粒SoC已包括CPU及5G Modem，有效提升手機速度、5G連接及減少電量消耗。
而華為5G摺機Mate Xs繼續用上Leica鏡頭，配備同Leica合作研發嘅四鏡頭相機，包括內置RYYB大型 CMOS嘅4000 萬像素超感光鏡頭、1600萬像素超廣角鏡頭、800萬像素超變焦鏡頭及ToF深感鏡頭，另外亦支援AIS + OIS雙防震技術，鐘意影相嘅用家一定滿意！
當然，華為5G摺機Mate Xs最大特色當然就係手機、平板一體化，用家可以跟個人需要而隨時轉換。華為5G摺機Mate X摺合時配備6.6吋屏幕，使用時兩邊機身幾乎完全貼合，操作手感同傳統智能手機差唔多。 而翻開時則變成8吋屏幕，更可同時操作三個App，大大提升工作生產力。
華為5G摺機Mate Xs
推出顏色：星際藍
官方建議售價：HK$19,888
