Leica Sofort紅點即影即有 潮友、文青必like
廣告
數碼相機市場近年受到手機挑戰，不少廠商都轉向開發其他攝影產品。 特別即影即有相機這個市場，Fujifilm Instax系列相紙、Polaroid相機或者Lomogaphy的Lomo’Instax 相機仍然受各位潮人、文青喜愛，就知即影即有相紙仍然不死。就連譽為攝影界貴族品牌Leica也推出首部Leica Sofort即影即有相機，早前在網上引起熱烈討論。終於近期有機到港，當然試一試這部Leica紅點加持的即影即有是否影出俗稱奶味的Leica相？
機身不算太大，就算女同事手持都絕對冇太大問題。
由Leica親自設計的即影即有相機，當然每一部份都留有「奶味」的痕跡。為機身加上標誌性的紅點Leica Logo，背面操作按鍵用上和Leica相機指定字型和圖案。外形則四四方方，再配上較為時尚的白色、橙色和粉藍色3種配色，再配上仿皮包邊，整體感覺簡約又不失Leica的高貴品味，而且定價是$2,480，作為一部紅點Leica相機，fans絕對負擔得起。
相機內置8種拍攝模式，只需簡單按Mode鍵進行轉換，自拍、人物合照、微距、多重曝光等隨時任用。
黑白相紙有「奶味」
當然大家關心是拍攝質素，不過即影即既然從玩味出發，畫面質素未必是最看重的。網上一早有傳外形和FUJIFILM instax mini 90 近似，不過Leica實際在光圈系統、鏡頭和閃光燈上做作出改進，所以相紙效果仍然有輕微分別。相片清晰度和拍攝主體細節位都做得不錯，今次只能以黑白相作實測，相紙仍然有一絲「奶味」痕跡，女同事影得相當開心，可見玩味性和效果已經足。
Spec.
菲林格式：Fujifilm Instax Mini底片
對焦距離：03-0.6m（微距）/0.6-3m（正常）及3m-無限遠（風景）
光圈：f/12.7
鏡頭：60mm Automatik-Hektor鏡頭（等效約34mm）
快門：1/8-1/400秒
感光度：ISO 800
曝光補償範圍：-0.7/+0.7EV
體積：124 x 94 x 58mm
重量：305g
售價：$2,480（首批發售白色）
查詢：LOG-ON 銅鑼灣時代廣場B1地庫 2736 3866
內容延讀：
