【iPhone 11炒價】收機鋪都唔睇好！？ iPhone 11無炒價隨時變蟹貨│新蚊Gadgets
廣告
Apple早前舉行Apple發布會2019，公布一連串將推出的產品，尤其以每年更新一次的蘋果手機「iPhone」系列新型號最為外界重視。對於9月13日晚上開始接受預訂的iPhone 11，到底會否成為搶購熱？而今年iPhone 11炒價如何、值得炒賣？一齊睇睇收機鋪專業人士點講！
撰文：海月丨圖片：Apple
【iPhone 11炒價】收機鋪都唔睇好！隨時變蟹貨
Apple今年全新推出的「iPhone 11」、「iPhone 11 Pro」及「iPhone Pro Max」即將開售，對不少炒家來說絕對是「年度活動」，一眾「果農」都MON實9月13日晚上8時，第一時間購入，希望能在20日首天取機放出獲利。
不過其實近年「iPhone」的炒賣情況明顯積弱，一來機體變更點並不算「突破性」，加上iPhone售價在手機界中亦相當頂級，一段用家對「換機」意欲大幅減少；二來現時iPhone在「香港」及「中國」已是同步推出，售價差別亦不大，所以炒賣北上的需求亦大減，iPhone 11炒價亦被市場睇低，只適會買來自用。
以下來看一看中港兩地的iPhone 11價錢比較，現時的滙率買入價大約是0.91、買出價是0.9083左右，三款iPhone 11的售價差異明顯收窄。只有iPhone 11 Pro及iPhone 11 Pro Max大容量的價錢差距最大（約HKD$1,000），如要首天放售最大機會獲利就是這兩款。其他款式、或非首天的話，將很大機會「倒蝕」！
面對今次的iPhone 11炒價，一眾旺角先達店主都相當看淡銷情，原因亦是離不開外形、功能並無大驚喜，不能勾起大眾換機意欲。加上香港、中國同步發售，必定減少內地客來港搶購，難以炒得起。更有部分店主表示「去年新iPhone發售前，已有港人、內地客提早預訂，但今年至今仍無人問津」。加上部分自用客人就算有意入手iPhone 11 Pro系列，亦希望先到Apple「撚」一下實體，特別是屏幕及相機功能才真正出手。
總結來說，如果想藉iPhone 11炒價獲利，就勸你先認真考慮一下，風險是相當之高。想順便「平手」，儲飛行里路的朋友也要找另一方向了。炒機換電話，真係「此情不再」。
