手機｜放米缸用風筒吹真係有效？ 專家指用錯方法隨時令零件受損 傳授救機三種妙法
廣告
手機｜天氣熱又係時候玩水，但手機防水功能代唔代表可以隨意掉落水？一個唔該令手機出現異常又點解決？唔好少坊間救機妙法例如手機放米缸或者用風筒救機都未必係最有效，專家指出用錯方法救機隨時損壞手機內部零件，咁手機入水用咩方法救機先係最好呢？一齊睇睇！
手機｜放米缸用風筒吹真係有效？ 專家指用錯方法隨時令零件受損 傳授救機三種妙法
電子產品不時標榜有防水功能，但都會聽到手機入水後不能開機、短路等情況，而所謂IP67/68持續潛水後外殼浸水時雖不達至損害，但手機防水零件開始老化，密封性能下降，就難以100%完全防水，既然唔能夠依賴手機防水功能，如果手機不幸跌落水咁點算？專家就教了三種救機妙法，比放入米缸更有效更實際。
手機｜專家傳授救機三種妙法 方法1.貓砂
唔少人遇到手機入水都會優先考慮放入米缸救機，但其實用貓砂比米缸更為有效，一來貓砂用途係吸取貓貓尿液，相比大米吸水性能強太多，二來價錢更便宜，畢竟米缸內的米最終都係要拎嚟食。
手機｜方法2.抽濕機
風筒雖然能夠快速吹乾手機，但因為風力問題有機會令水分擴散，繼而損害其餘沒有入水的零件部份，而且風筒溫度調得過熱，有機會令手機零件形成永久損害，就算救得返，舊電都會加速老化等問題，用抽濕機雖然比風筒慢好多，但相對安全性較高，使用時留意溫度不能過高，亦不宜放得太近，大約一日時間就能有效將水份抽乾。
手機｜方法3.熄機拆電
唔少人部機入水後都急於檢查手機運作或零件位有冇問題，專家指能拆電的手機應該立即拆電，不能拆電的都應馬上關機，取出SIM卡及記憶卡後，用紙巾抹乾表面及插孔水份，切勿故亂搖晃手機，以免傷及其餘未入水零件部份，安置好手機在通風位置自然風乾即可。
撰文：Odin圖片來源：HKTVMall
