中國山寨「菠蘿手機」 12個手機鏡頭係大勢！？
廣告
手機市場一向都是由Apple與Samsung兩大主要勢力平分秋色，兩大手機品牌都各有支持者。而內地為了力撼Apple的霸權，同樣推出以水果命名的「菠蘿手機」，更主打12個手機鏡頭，十分之誇張！
中國山寨「菠蘿手機」 12個手機鏡頭係大勢！？
「菠蘿手機」在中國掀起一股熱潮，唔少內地KOL都特登淘一個返嚟試吓睇睇有咩咁大來頭，手機的介紹頁頁簡介寫著：手機王者，整機搭配十二個攝像頭，拍火星拍螞蟻拍蟎蟲！超強性能！完美機身比例！而且手機只雖要$399人仔，平過Apple手機多多聲。
開機畫面夠騎呢
一到手之後，該新手機沒有任何包裝可言。令上手外型似足Apple推出的iPhone 5S，而最勁就係背後擁有12個鏡頭。開機畫面都夠晒味道，一開機就會響起品牌音樂，加上一把央視男人聲：「美國有蘋果，中國有菠蘿，菠蘿手機」，再加上品牌菠蘿造型的手機Logo。
手機似足iPhone
菠蘿手機開機之後，其整個OS介面就是iPhone的手機介面，而且手機內仲貼心地裝了中國爆紅的手遊「王者榮耀」。測試者嘗試打開該遊戲去試玩，點知遊戲開足半小時都嘗未load到入去，但手機溫度已經上升到好高。之後他決定試用手機12個鏡頭，殊不知一開相機功能，整個介面都是黑色無法使用。
的確係iPhone 5S！
當他決定去睇睇到底手機型號是什麼的時候，發現手機型號確實是Apple的iPhone 5S，而iOS為12.5.5。呢下令到測評者都為之一振，最後佢都明白點解手機相機功能無法開啟，因為在手機背後的鏡頭其實係一張貼紙，其將原本iPhone的鏡頭遮住，當貼紙撕下去，手機的真面目終於曝光！
