近視救星｜日本研發近視救星售價曝光 智能眼鏡有望年內開賣

撰文：odin ｜ 圖片來源：日經官網圖片

【近視救星智能眼鏡】智能眼鏡有望年內開賣

日本企業窪田製藥控股雖然未公布治療原理，但聲稱用家戴咗副眼鏡之後，可以大大改善近視嘅問題，原理就係圖像投影到近視者眼睛內，從而矯正焦點偏差，重點係用家唔會意識到投影嘅圖像有咩大改變，邊接受治療邊進行日常活動，平時戴住做野都冇問題，夠晒方便。

平均每日只需要戴住60至90分鐘即可矯正近視，有關研究正在美國進行臨床試驗測試階段，驗證一下眼鏡是否擁有治療嘅效果，有望2021下半年推出，價格約10萬日圓。

【近視救星智能眼鏡】日本研發近視救星

窪田製藥社長重表示，根據統計亞洲近視人數較多，單計20歲或以下嘅近視者裡面，韓國人就佔咗96%、日本人95%、香港人87%、台灣人85%，所以窪田製藥決定先主打亞洲市場，近視形成主要因為長時間近距離用眼過度，導致眼軸過長或者角膜弧度太彎，導致光線入咗眼睛裡面之後，無法喺視網膜上面形成焦點，從而落喺視網膜嘅前端，造成眼睛只可以睇得清近嘅嘢，但睇唔清楚遠方嘅影像，戴咗呢副眼鏡係咪真係可以醫到近視，就真係要等佢完成臨床實驗之後啦！

相關文章

【Signal】創辦人Brian Acton有良心 單靠捐款唔賣數據唔追蹤用戶！