8個減肥瘦身方法！即時減去水桶腰準備泳衣同陽光玩遊戲！

8個減肥瘦身方法！

減肥瘦身方法1. 宋慧喬-狂飲檸檬水

眾所周知，宋慧喬天生就有點baby fat，可是近年她無論是面形抑或是身形都真十分苗條，完全無反彈，原來她的Keep Fit方法就是1日至少飲3公升檸檬水，1公升加半個檸檬的檸檬汁分量就可以，這個方法不但可以去水腫，還可以減低食慾和清理宿便，是個不錯的方法；之不過若然你是個胃酸過多的人，就千萬不要亂試！

減肥瘦身方法2. 舒淇-淨係食「草」+夜晚6點後不進食

舒淇曾為了宣傳電影，在短短一星期內激減五公斤，但她的方法絕不是每個人都能忍受得到，就是當自己是草食系動物，每日只是食「草」（菜），而且每餐都食不同的菜類，達至均衡營養，至於調味料方面則只可以加幾粒鹽，另外口痕的話就食少少生果或核桃，之但是每日只要過了傍晚6點就不能再進食（包括菜），只可以飲水。

減肥瘦身方法3.周秀娜-跑樓梯

周秀娜（娜姐）樣靚、身材正，相信就不用多說，而娜姐一直以來的Keep Fit方法就是做運動，所以在她的社交平台上，不時都會看到她到健身室內做運動的片段或相片，是運動常客。而她在眾多運動中，最鐘意跑步，還有就是跑樓梯，光是聽都覺得辛苦。所以話，想有fit爆body是要付出血汗的！

減肥瘦身方法4.楊冪-水果當零食＋急步行

又係1個fit到漏油嘅女星。女神楊冪話你知，要減肥，就咩零食都要戒，咩薯片、朱古力同糖嗰啲，全部都要講拜拜。忍唔到口嘅時候，就塞啲生果入口頂頂癮。另外，楊冪又話自己好鍾意行路，發現咗急步行可以極速收身。所以由呢刻開始，坐喺office嘅小編決定，無論起身去廁所，定係去pantry斟水，都會以競步方式進行。

減肥瘦身方法5. 48小時斷食法

簡單嚟講就係連續48個鐘唔食嘢，淨係飲水，身體會喺呢段時間變成排泄mode，直接清腸胃。如果真係頂唔順太肚餓，可以食少少蘋果或者脫脂乳酪。

減肥瘦身方法6.焗桑拿去水腫

這個方法只適用於水腫型肥胖的人士，若然你覺得自己不是肥，但總是給人一種腫脹的感覺，不妨嘗試焗幾轉桑拿，焗完應該是會一身輕。

減肥瘦身方法7. 齋食香蕉減肥法

該個方法好多年前曾經流行過，就係早午晚都只限食香蕉，其他食物一律不準進食，和要狂飲水，維持飽肚感。（這個方法小編試過，係work，之不過自此之後無論是想起香蕉，抑或是見到都會有少少反胃）

減肥瘦身方法8.戒甜嘢+澱粉質

戒掉一切甜的食物和飲品，以及晚上6點後都不可以食澱粉質類食物，只可以食菜！這個方法雖然看似簡單，但實質做起來就十分困難，你試想想在這大熱天氣中，連一杯凍的檸茶、奶茶等都不能飲，是否覺得有點慘？！