NIKE Air Rift 2015 忍者回歸
廣告
1996年，NIKE Running首次涉足自然律動理念嘅鞋類領域，推出呢款名為NIKE Air Rift嘅運動鞋、涼鞋混合鞋款。即使冇咩廣告同行銷力谷，仍然憑獨特嘅前端分趾設計引發一鼓熱潮，時至今日，Air Rift嘅設計歷久不衰，依然時尚，上年一出即被搶購一空就係最好証明，今年，呢對「忍者鞋」又再次回歸。
text – Lok（ig：loklokb1021） photo – Jacy
Air Rift嘅設計靈感嚟自肯亞長跑運動員嘅赤足跑步方式，鞋款首次面世就以肯亞國旗配色登場，並以該國裂谷省（Rift Valley）名字命名。而肯亞地標大裂谷就係鞋前端分趾設計嘅靈感來源。今回Air Rift喺最適合嘅夏季推出，獨特外型完全保留。工程織面網眼鞋面有助於吸收濕氣同時增強透氣，分趾設計同靈活自如嘅外底完美配合，腳踭同中足部位都有魔術貼，令對鞋緊貼用家腳形。另外要提嘅係女裝獨有全白配色，又係女生專屬。
