NEW YORK BAPE STORE 10週年10聯乘

10年前街上重係一片猿顏迷彩熱，追到件猿迷週年數字tee已經飄飄然，更遑論高追件迷彩鯊魚zip-up？BAPE當年以美式文化由日本反攻美國，開設首間紐約專門店，雖然此舉確令NIGO嘅BAPE皇朝由盛轉衰，埋下敗筆嘅開始，但人生總有高低起跌，咁先夠傳奇。事過境遷，今日回首一望，BAPE嘅猿迷其實重係好精采，精采到呢10年其實後無來者。所以，今次BAPE為紐約10週年邀請10個單位合作，推出名為「NEW YORK 10TH ARTIST COLLABORATION」，睇番件鯊魚zip-up，好似聽到Beyond首〈光輝歲月〉，經典，從不老土。