Jer柳應廷由醜小鴨晉身黑天鵝 藉歌曲去表達小說連載 私下日系穿搭超加分！

Jer柳應廷由醜小鴨晉身黑天鵝 藉歌曲去表達小說連載 私下日系穿搭超加分！

《造星》look超扣分

相信有睇《全民造星》的觀眾都未必會認得Jer柳應廷，當時他雖然唱歌的確不錯，但衣著尤如一個「MK路人」，仲記得面試時著住「Cheap之堡」可能有售的花花裇衫，再加上一個「城繩」嘅中分頭髮同留住「二撇雞」，整個look都超扣分。

轉髮型直頭似「換頭」

被選入MIRROR之後，Jer柳應廷迎來巨大轉變，髮型變為中長髮，時不時將其電曲同進行highlight，令到整個樣貌氣質都大升級，簡直好似《無頭東宮》換頭咁款。而且中長髮的髮型亦令Jer柳應廷帶有一絲的中系貴族感覺。

私下熱愛軍裝＋「阿美卡基」Style

而對於復古軍裝同「阿美卡基」（American Casual）風格都熱愛的Jer柳應廷，經常都會去到不同選物店購入私服。而香港其中一間店鋪「Luddite 1811」亦是Jer愛去的店鋪之一。店鋪風格偏向復古美式Style，同Jer的氣質都相當符合，該店鋪就連MIRROR隊長lokman，RubberBand 六號都有幫襯過！

同款帽你要有

而且Jer私下都超鍾意戴日本品牌Comme des Garçons支線「CDG」的其中一頂漁夫帽，其出鏡率相當之高。由於是支線的關係，其帽款價格亦相當親民，原價購入只需要$600港紙，有興趣的fans記住去CDG官網睇一睇啦！

日系look超似貴族王子

而熱愛日系風格的Jer，在穿搭上亦偏向該風格，日系look令佢整體感覺都大加分，亦都提升其星味，不再好似以前咁「路人feel」。再加上髮型的加持，令其大加分。看來Jer柳應廷的確十分適合留長頭髮。

由「物語三步曲」走到「重生系列」

聽Jer柳應廷唱歌就好似睇緊一套戲或者是追緊連載小說一樣，由最初的「物語三步曲」去到之後再推出的「重生系列」，每首歌都環環相扣，時而溫柔時而癲狂。筆者認為當中最出眾的兩首歌分別為「狂人日記」同「砂之器」，兩首歌曲風格完全不同，但每首歌的背後卻能夠隱隱地感受到另一首歌的存在，十分出眾。