【大叔的愛】Anson Lo、Edan再合體拍廣告！名品牌BVLGARI最平一萬入手推介！
撰文：Anson｜ 資料來源：BVLGARI
「大叔的愛」作為BL劇，是香港電視史上的突破，而今次BVLGARI「B.zero1」之所以找Edan同Anson Lo，可能就是因為他們符合B.zero1 系列「忠於自我、絕不氣餒、突破極限的開創精神」！而Edan今次更為Anson Lo跳舞伴奏，成件事充滿藝術感，令人不禁回想呀牧同呀田戲中的感情世界！
Edan的八級鋼琴當然唔會收埋唔用！在影片中他一身黑色西裝，黑色就最適合用來襯閃閃的飾物！Edan用熟練的手彈琴，再戴上閃到爆的Bvlgari B.ZERO1戒指，完全襯托彈琴嘅高貴氣色！而之所以咁閃，是因為戒指是以螺旋形鑲上鑽石！再加上18K白金，加埋Edan高超琴技絕對係絕配，但價錢都相對高！價錢就盛惠$89,600(含稅）。
著黑色西裝當然要襯埋金色！Edan另一隻手就戴著Bvlgari黃金單圈戒指，黑金永遠是最好配搭，而這隻戒指就售49,200 。
有留意《大叔的愛》的朋友就應該知道，Anson Lo私下會戴不少貴價品如Cartier！而Bvlgari經典B.zero1系列戒指都是他的最愛，亦會於多個節目如《調教你MIRROR》記者會作配搭，所以Bvlgari找他絕對適合不過！
好想同Anson Lo戴情侶戒指呀！要努力賺錢了。
Bvlgari最平入手推介
如果想同Edan、Anson Lo同款都不一定荷包大出血，以下就為大家搜羅這個系列較易入手、同樣是Bvlgari經典設計的款式！而且約萬多元就有交易！
戒指
Bvlgari其實都有萬零蚊的選擇！這隻玫瑰金色戒指與Anson Lo配戴的顏色差不多，售價$10,300，配戴一年都已經回曬本！
較經濟的選擇亦有金色的款色，適合有時想著較形格的dress code！都係嗰句「容易襯衫呀嘛」！
項鍊
頸鍊都有二萬以下的選擇，這條亦同Edan戴的都差不多！情侶裝都不一定要倒模一樣的！而且價錢亦不至於天價，大家（前夫們）可以考慮一下。
耳環
耳環雖比以上的較貴，但已經是最經濟的選擇！這一枚已是Bvlgari耳環的入場價位。
手鍊
雖然這條手鍊不是Anson Lo廣告中那款比較硬身的款色，但柔軟的手環位更適合每日配戴，咁就可以每日都同Anson Lo同款，而且價錢上只是同款的十分一！價格相對上已比較親民。
各位「神徒」、「爵屎」的前夫們寫好筆記了沒？準備好去入手未？
