運用Champion單品 示範自信8/2穿搭法！

聽講大部分人喺80%嘅日子入面，只會穿到衣櫃裡面20%嘅服飾，近年流行極簡約風，主張只要掌握到邊種穿著風格最啱自己，而又應付到日常生活大部分嘅場合，就唔使再花費額外金錢同空間去買衫～慳錢又慳位，啱晒吋金呎土嘅香港人啦！不妨參考吓Champion今季嘅簡約風穿搭哲學！

著衫要走簡約風，相信好多男生都會立刻舉腳贊成，甚至表示已經實現緊呢種穿衣哲學，當中仲有人語重深長咁表示：「重質不重量係精萃。用料好，著得舒服，多功能，同埋啱9成場合穿著好緊要。」聽完即刻諗起Champion最新推出嘅系列，一齊loop落去繼續睇睇～

造型1：Champion經典長短袖

呢個長袖加短袖嘅重疊造型最啱春夏季穿著，尤其成日出入室外同冷氣地方（返工、睇戲、旅行），可以按需要加減短袖穿著。加上風格經典唔會俾人覺得老土，仲可以自行Mix &Match，大玩Tone-on-Tone/ Tone-in-Tone或撞色視效。呢個短袖系列今季仲新出咗勁搶眼嘅紫紅、湖水綠同啡黃色㖭！設計方面，長袖上衣整個袖位印有Champion經典草寫logo，手袖位則刺上小C logo，即使外面套上短袖上衣都可以清楚見到品牌logo，細節位做得唔錯。短袖上衣中心印有品牌大C logo，上面寫住MCMXIX（羅馬數字1919），代表品牌創辦嘅年份；而袖口同左邊腰位，則分別有細C刺繡logo同jock tag標籤，原來腰位個標籤設計，靈感係嚟自曲棍球同籃球嘅！下身可以襯任何顏色運動褲或便服褲，加返對以網球鞋為主軸設計的Court Club鞋款，鞋身由柔軟皮革所製，配以Court Club金字、透氣孔及C Logo徽章，即刻可以出門口啦！

造型2：復古中袖

自信嘅人都愛低調穿搭風格，不過遇上約會或特別場合總想對方望多幾眼。呢個時候換返件復古風嘅中袖上衣就最啱啦！呢款中袖棉質上衣唔單止著得超舒服，而且心口位置仲印有品牌經典Logo，加上黑白叢中一點紅嘅設計，令人望落感覺有種講唔出嘅日系文青味道。除咗呢款最常見嘅休閒造型外，其實都好夾一啲Vintage Style嘅外套、帽同眼鏡，襯出另一種玩味造型。

造型3：V領仿球衣

呢款V領仿球衣短袖Tee設計較少見，V領雖較蝦人著，但就非常適合平日有做開運動又有少少胸肌嘅男生穿著！加上喺衣領位置大玩撞色效果，如黑撞白、深藍撞淺藍等，視覺上會將焦點集中喺臉同頸上，同時亦突出胸前嘅Champion草寫刺繡Logo字樣！袖口位同樣有最具象徵性嘅小C Logo，低調不張揚！

造型4：錯覺視效Look

呢款好似著左兩件Tee嘅設計既富玩味，又可以成功引起朋友嘅興趣，成功打開話題！呢件Tee所延伸的長袖沿用了球衣透氣的網質面料，除了增加了不同的材質，仲加入小樽領設計，去增加設計細節同時尚感，兼大玩顏色對比撞色視效，令整體造型變得更豐富，成功營造予人開朗陽光嘅感覺。 建議配搭淺色調鬆身運動褲，同埋淺色系或顏色鮮明嘅波鞋。有需要仲可以加襯色彩鮮明嘅帽同腰包等配件㖭。做運動、行街、旅行，甚至約會都一樣啱著！