90後當年必想擁有潮物網民：著完成個有錢仔咁！

潮流

ds ds ds

唔同年代都會有嗰個年代的「潮物」，當時一定係個個都爭住想擁有一件。近日有網民就發起「90後潮物」的討論，一文盤點90後曾經風靡一時的十大潮物，全部都勁有回憶感！

90後潮物︳1. 男人pe堂必備運動袋

自1995 年成立的Super X，係一個結合功能同流行元素的時裝品牌，其服飾仲因為籃球狂熱而風靡亞洲一時無兩。Super X的圓筒袋相信係90後男士pe堂最愛的運動袋，當時簡直係pe堂潮物！

90後 superx 經典 1995 SUPER X 圓筒袋復刻版)，而家仲有得賣！ — superx 經典 1995 SUPER X 圓筒袋 (復刻版)，而家仲有得賣！（圖片來源：SUPER X截圖）

90後潮物︳2.學生哥最愛outdoor書包

outdoor書包簡直係當年90後學生哥最愛，因為佢有好多唔同顏色的配搭組合，唔易撞又夠晒得吸晴！outdoor品牌原來已經成立咗50幾年，喺外國主打戶外裝備。香港流行嗰款係休閒復古系列，同埋物料係非常耐用，所以當時非常受學生哥歡迎。

90後潮物︳3.「籃球L」Gregory

Gregory書包到而家都仲有唔少人揹緊，想當年呢個書包有唔同的象徵，例如象徵「有錢」亦有象徵「籃球L」。「有錢」係因為相對outdoor，Gregory係相對貴成倍，賣成千元一個書包，唔係個個學生哥都負擔得起。而「籃球L」就係唔知點解鍾意打籃球的男同學都似乎特別鍾意用呢個書包。

90後潮物︳4. Alviero Martini 地圖袋

相信唔少90後女士都有用過意大利Alviero Martini ，簡稱地圖袋，以意大利皮革打造，古雅又優美，幾百至千頭就有一個！當年地圖袋簡直如同現時小資女品牌的小ck等的存在，想買個好啲的袋但又唔想洗太大筆錢，地圖袋就啱晒，如果90後讀書時期用簡直係「好有錢」的象徵！

90後潮物︳5. Comme Des Garçons Play

Comme Des Garçons Play T恤真係紅到而家仲有人著，簡稱「心心衫」！Comme Des Garçons由川久保玲（かわくぼれい）所創位，品牌名源於1960年一首法文歌《Tous les garçons et les filles》其中一句。Comme Des Garçons 有唔少副線，最受年輕人歡迎通常都係play同Cdg，休閒而襯價錢又親民。

90後潮物︳6. Mastermind銀包

Mastermind呢個品牌係由香港本土設計師所創辦，最勁嗰時喺香港有成30間分店，不過去到2020年就無再更新。Mastermind當時的銀包一定係最受90後學生哥歡迎，型仔得嚟又唔貴，成為唔少學生哥第一個銀包。

90後 Mastermind呢個logo最易認 — Mastermind呢個logo最易認（圖片來源：fb＠Mastermind production）

90後潮物︳7.村上隆花花

村上隆的太陽花，簡稱「村上隆花花」，當年個個都鍾意買返個嚟掛喺袋同書包，完全係潮流指標，而家用都仲未過時。

90後潮物︳8.JEREMY SCOTT X ADIDAS飛翼鞋

JEREMY SCOTTxADIDAS合作推出的飛翼鞋當年風靡唔少年輕潮人。呢對飛翼鞋當時設計係喺Adidas的經典鞋款Forum上面加一對翼，一出即熱爆全城，唔少時尚界具影響力的明星Kanye West、A$AP Rocky、2NE1等支持，成為明星鞋款。不過可能款式太過搶眼的關係，好容易出現「時裝車禍」，好快就呢個潮流就減退咗。