潮襯運動風人氣化妝造型師教你這樣配搭才對

運動風成為時裝配搭主流，人氣化妝造型師RickyKAZAF醒幾招俾一眾男生點樣「型」造運動Style！今次親身示範3種唔同感覺嘅運動風造型，包括休閒斯文Look、運動狂熱份子Look，以及街頭隨性 Look。

Text︰YY

親身教你用不同腕錶配搭型男運動Look

RickyKAZAF認為腕錶對配襯有畫龍點睛嘅重要性！尤其今年興起運動風，運動腕錶唔再係實用咁簡單，仲可以係好時尚，令整個造型更顯個性，所以會加入3款TISSOT亞運會特別版運動腕錶去配襯。

休閒斯文Look

想著出斯文又不至俾人有拘謹嘅感覺？加一點型格運動元素就可以！以黑白為主，上身選擇休閒感強嘅橫間Polo Tee、披搭薄線衫，以及白色錶面紅色秒針設計嘅PR 100 80小時動力儲存腕錶2018年第十八屆亞運會特別版，突出立體層次感。下身為質地較挺身嘅運動褲款，有修飾腿型效果，令整體更修長苗條。黑色運動型鞋款喺鞋帶位以藍色Detail點綴，增加型格玩味，將整體造型提升另一層次。將瀏海遮住前額，休閒斯文造型誕生。

運動狂熱份子Look

一改以往Sporty Look只係背心加短褲嘅印象，今次加添色彩元素，穿上紫色運動套裝。拉鍊外套嘅企領設計份外型格，運動短褲、大錶面設計嘅Chrono XL 多功能計時運動腕錶 2018年第十八屆亞運會特別版，讀時更清楚，亦令整個造型增添不少活力氣息。至於髮型方面，可以Set個Wet Look鬈髮，避免運動後頭髮因出汗而出現扁塌情況，幾時都可以Keep住型仔造型。