港男大讚速剪鋪好過Salon 「有啲師傅好有心機！」
廣告
香港人生活節奏快，唔少港男都會選擇以較快較方便的速剪鋪去解決剪頭髮之需，而傳統的Salon亦開始逐步被取代。除了速剪外，都有港男會選擇寧願剪Barber Shop，都唔會去傳統Salon剪頭髮。
港男大讚速剪鋪好過Salon 「有啲師傅好有心機！」
近日就有港男於討論區以「覺唔覺有啲速剪鋪剪得好過Salon？」為題開post，當中提及速剪鋪的師傅剪頭髮比Salon好，獲得一眾網民認同。該名港男提及，他口中所指的速剪鋪並非一些「大型連鎖店」，因為這裡鋪的師傅通常都會求其剪，並且有機會請新手髮型師剪，他直言：「嗰啲通常都大伏。」
某些速剪師傅好有心機！
港男指出有某些速剪鋪的師傅其實都相當俾心機剪頭髮，而且亦有一定的水準。港男直言：「逐吋逐吋幫較嗰個電動髮剷，剪出嚟其實好有層次，唔馬虎，唔會差得過Salon。」，港男又提及並不是為了推銷，並希望大家都會留意一下這類師傅是點剪頭髮。
速剪鋪少一個步驟
港男再提及速剪鋪與Salon的分別，當中最大分別是速剪鋪少了「洗頭」的步驟，直指：「速剪舖先收你60、70蚊，髮型屋閒閒地收你2-3倍價錢。」。他認為一間好的速剪鋪性價比會較高，因為男仔剪頭髮的頻密程度比女性高，所以找到一間好的速剪鋪，能夠慳到更多金錢。
網民意見兩極
網民睇完之後都議論紛紛，有人則認為的確一個好的速剪師傅會比起Salon的性價比高很多，但是要找到一個好的師傅也不易；另外都有網民認為速剪師傅的水準的確不如傳統Salon或者Barber Shop的師傅，並認為不是每一個師傅都會咁好心機幫你逐吋逐吋剪。
圖片來源：IG，劇照
