《聲夢JUNIOR》節目開播 參賽者服裝被指勁老土！冼靖峰升級為助教

《聲夢JUNIOR》節目開播 參賽者服裝被指勁老土！冼靖峰升級為助教

《聲夢JUNIOR》參加者人仔細細，但實力的確有返咁上下。不過都有參賽者連聲都未變就參加比賽，雖然依家唱就好好聽，但一到變聲期就會難搞好多！18名學員各有特色，就連一班助教都話他們十分有水準同埋有才能。

不過節目記者會上，《聲夢JUNIOR》學員所穿著的服裝被指勁老土，完全令一眾小朋友失去童真，尤如「扮大人」般。而且不少Style都好似返返去幾年前的流行文化，再加上化妝的效果，網民都笑稱係「偷咗老豆老母啲衫同化埋妝扮大人咁款」。

其背後的節目服裝組都被質疑，直指其在學員上的一眾穿搭都十分之差。相比在「十八強遴選」環節時，學員還能夠穿著自家服裝，其正常程度來得更好，當然個妝都係出晒事…

再睇埋由TVB幫選手們所影的分組即影即有，當中「Dance Gorup」的「牛仔Dress Code」叫做正常少少，另外兩組的硬照看上去都有種「扮大人」感覺，其服飾不符合原本年齡設定，都係一個敗筆位。尤其Caitlin同Elsa分別用Over Knee長boot同長襪去遮掩自己腿部，令身材比例十分之怪。

除此之外，有網民都笑稱睇《聲夢JUNIOR》就尤如睇緊《放學ICU》，似足兒童節目。另外都有網民稱其造型因為太過老土，令女生髮型看似「髮線向後移」一般。