白鞋變咗「師兄污糟手」點算好？教你8式D.I.Y.變臉重生

白鞋繼續出繼續買之時，手上已經有幾對點洗都冇用，變咗師兄所講嘅「污糟手」，點算好？白布鞋之基本Vans、Converse、Keds、Superga你唔會冇，平靚正簡約易襯，正所謂污糟咗都唔太心痛，既然救唔番，亦都唔使傷心，一於物盡其用，動手幫佢整容，花少少心思改頭換面，3.0新look再見人，8級無難度即跟D.I.Y.！

text-Winki Kiki photo-互聯網圖片

Level 1
浸一浸擰一擰！搞掂！貼士係鞋邊先塗１層凡士林，染布鞋嗰陣就唔會染到鞋邊，既方便又快捷。

Level 2
係咪好面善呢？M Missoni冇出架，自己畫啦！先剪zigzag卡紙起草圖，跟住填顏色，話都冇咁易！

內容延讀：

＞衫污糟咗就要洗！14個你一定要識嘅洗水標籤

＞唔使D.I.Y.！即有迷你兵團MINIONS「頭」入潮界

Level 3
近期最紅嘅Minions兵團，出咩都搶，不如畫對自家限定着住等套戲上映。Baby size 好打耳呀，家庭裝都幾正喎！

Level 4
Bling bling閃粉sneakers Miu Miu早幾季都有出過，如果對Converse都真係幾污糟嘅話，不如「一不做二不休」冚住佢！塗上布料用白膠漿，再灑上金粉，tone on tone撞埋銀釘，型晒！

Level 5

華麗bling bling裝飾，深水埗珠仔街（汝州街）有售，將帆布鞋華麗變身，玩high street！同埋邊到有鼓油跡就遮邊到，呢對曾經污糟過？冇人知！

內容延讀：

＞衫污糟咗就要洗！14個你一定要識嘅洗水標籤

＞唔使D.I.Y.！即有迷你兵團MINIONS「頭」入潮界

Level 6

中級程度要有少少手工底子，先將lace剪裁成小塊，塗上布料用白膠漿於鞋面後貼上lace，再小心修邊剪去多餘lace布。製成品效果出色，女生必試！

Level 7

高級程度！適合手作達人，釘上蝴蝶及珠仔後，將鞋繩換上絲帶，成對鞋grand 晒！

Level 8
挑戰級！我諗呢對要靠媽媽嘅巧手，整一整簡直整容咁，靚過之前。

Check！專業級潮牌D.I.Y.
上月Lane Crawford與Vans聯手推出「Fashion Your Canvas」活動，購買1對限數版的Vans白布鞋附送4選1的「Do-it-Yourself」套裝款式，包材料自己D.I.Y.！更有designer 慈善版，示範點樣化白鞋為潮物，即偷師！