網民熱議女仔變索變靚易過男仔變型變charm！男仔基因差點補救都冇用..

網民熱議女仔變索變靚易過男仔變型變charm！男仔基因差點補救都冇用..

女仔變靚好易？

有網民指出女仔要變靚其實好易，只要將身材減至合理範圍，然後再進行染髮同埋學識點樣穿搭的話，就已經可以與以往很不同。如果還不夠的話，化返少少妝都已經可以變化勁大，輕輕鬆鬆就變靚又變索。

男生變型難過登天

男生變型變靚仔方法其實同女仔都大同小異，執執個look再操一操個身型，用髮型穿搭去補救天生的不足。但網民就認定男仔就算做足以上的步驟，但是「不帥就是不帥」，更直言「真的很慘」。正正應驗：「Your Face Your Fate」呢句說話。

網民反駁：男仔受限較少

不過有網民就反駁事主的看法，認為男生只要生得順眼以及身型好睇，再加上識著衫已經大大加分，不太容易受到顏值限制，相反女性要變靚的話，其顏值的要求就比較高。有部分網民都認同，認為男生的變靚仔門檻較低。不過都有網民認為就算幾好的男仔只要顏值太低分，都只能夠成為普通男性，而其「普通男」的地位相對於「普通女」會來得低。

兩者都要睇樣？

不過都有網民認為，無論是男是女都好，其實樣子都是一大元素，如果個樣真係太扣分，就算做什麼都無法補救。不過現代社會有「化妝」這種技術，無論男女都有機會透過化妝去執返自己眼耳口鼻出來，令自己更為升級。另外亦有網民認為就算唔睇樣，皮膚的好壞亦十分重要，皮膚好的男女生都會大大加分。

男人30後就唔睇樣？

有網民就認為，其實男人過了30歲之後，就沒有再在意外貌，比較重要的是其「銀包大小」，只要銀包夠漲的話，個個都要叫你一聲「男神」！