抵價入手潮物兼搵錢買賣貼士逐個睇！

肺炎疫情影響全球經濟，市道變差，多間公司都諗計縮水「止血」，唔少打工仔收入大減，連Freelancers都無job。有冇諗過買賣潮物都可以有回報？將心頭好變成投資，滿足自己之餘又可以搵錢！即刻睇下有咩買賣貼士，用最抵價入手新貨啦。

買賣貼士(一)：名錶一定熱門款式最好賺？

好多人都會想買隻名錶獎勵下自己。一來係身份象徵，二來可以保值，而且投資回報高。所以唔少人都會追求熱門潛水錶款，認為最賺又最hit，搞到價錢扯高晒！其實熱門款式唔一定係最好，貨源極少亦導致一般人要摸頂買入，失晒預算。記住買錶係長線投資，滿足自己先係首要，部份款式價錢相宜之餘，升值潛力都非常高。

買錶想有保證又要全新當然去專門店比較穩陣，但棘手係稍為有啲「款」嘅名錶貨量都非常少。呢個時候就需要啲公關技巧，去店舖同售貨員打好關係，熟絡之後對方有一手補貨資訊自然會通知你。又或者歐遊時買入自己有興趣嘅款式都係方法之一，價錢大部份比香港便宜。

當然坊間亦有好多鐘錶買賣App或者水貨店可以選擇，款式有時甚至比專門店多，但貨品真偽比較難有保證。因為多數買賣App用家都係海外發貨，水貨店亦可以「換湯不換藥」，換走機芯或者其他原廠零件，所以建議係專門店買入最放心。

伸延閱讀>>> 秒秒都有人問的腕錶問題（二）

認識唔多但又想試下買賣名錶做投資，可以去門路App入面嘅「門路精讀」惡補買賣實用知識：https://www.munroads.com/channel/202

買賣貼士(二)：熟用VPN 入手潮物無難度

呢段日子人人都減少外出，網購次數大增，如果想將呢個機會變成商機，可以嘗試買入限量版潮物。例如美國S字頭街牌貴為十大潮流品牌之首，經常都會推出各種玩具同服飾，吸引大批粉絲朝聖。由於香港冇專門店，水貨價格自然貴到離哂地。不過識得以下3招，就唔使捱貴價之餘仲可以有錢落袋！

1. 善用VPN

大多數品牌嘅限量產品都會有「鎖區」，即係只限某幾個國家或者地區人士購買，而香港經常都唔喺名單上面！不過利用VPN就可以解決「鎖區」問題啦！就算IP地址唔屬於販售地區都有資格購買！一般VPN App或者外掛程式可以畀用家設定已揀選嘅地區，令IP地址唔受地域限制嘅問題影響，輕鬆登入當地online shop，咁就已經踏出成功第一步！

2.海外信用卡

即使已經成功進入當地嘅online shop網站，如果唔能夠完成付款程序就會功虧一簣！大多數海外online shop都會要求買家使用當地信用卡付款。如果用香港發行嘅信用卡付款，好大機會唔會被接納，所以入online shop前預先準備好幾張海外發行嘅信用卡就最穩陣啦！

3. 代運服務

最後就係揾一間值得信賴嘅代運公司，因為online shop都不設海外寄運服務，想將貨品運到香港就需要「中間人」幫忙。由於E-commerce普及，搵適合嘅代運公司應該唔算太難，但建議事前要進行格價，確保成個過程係以最低成本完成。

伸延閱讀>>> 善用VPN原價入手Supreme冇難度教你幾招攻略法

潮流係一個大循環，以為自己好多年前入手嘅潮物一定out咗？唔一定架，想了解多啲就去門路App入面嘅「門路精讀」鋤下書啦：https://www.munroads.com/channel/202

買賣貼士(三)：最易上手！聯乘波鞋有價有市

唔少人都鍾意儲波鞋，其實買賣限量版波鞋都可以有好高利潤，有啲仲會升到起碼4倍以上價錢。就算貨源比較多嘅款式都會由定價1千幾百，升到2千幾，證明有價有市！

由於各大品牌經常都會推出聯乘款式，而且非常受歡迎，夠晒大眾化，算係最易入手嘅入門級買賣，但要切記留意避開中伏位：

伸延閱讀>>> 新手必讀買鞋Tips！- 中呢樣就最易變艇貨

留意波鞋真偽及發售日期

唔少人都會遇到一個問題：抽籤唔中或者遇唔啱排隊買唔到，搞到白白錯失入手機會。其實品牌推出聯乘波鞋之前，通常都會喺各大潮流網站或者Instagram公佈抽籤途徑同發售日期。最佳入手timing通常都係貨品發售嘅第一個星期，因為愈遲買，官網貨量會愈少，市面上都會愈多貴到嚇親人嘅水貨，所以都係早買早享受。如果想知道貨品嘅升值潛力，不妨做下research睇下以往類似產品嘅價格走勢。

靠官網買唔到的話，坊間都有唔少波鞋舖或者網店出售賣限量鞋款。有啲會特別平，甚至會強調貨源充足齊碼數，但要先畀錢落訂，到貨再通知。呢個時候就要小心喇，講明限量，貨源又點會多？而且一般水貨店都係用抽籤形式攞貨，如果無註明來源就要加倍留意貨品嘅真偽性。建議大家如果要買水貨，最好都係去大型或者有信譽嘅店舖，同埋上網搵下開箱片做下細節對比，以免買錯高仿！