港女首次買名牌袋 購入後不敢分享喜悅！

港女首次買名牌袋 購入後不敢分享喜悅！

近日，有一名港女在Dcard上分享自己買名牌袋的經歷，她指自己斥$11,000購入Louis Vuitton的一個手袋，而該手袋是自己用獎金以及儲蓄所得的金錢去買到的「人生第一個名牌袋」。

兩大原因唔敢Po IG

事主指自己在購入後都十分興奮，並指當刻就想在Instagram上出post分享自己入手首個名牌袋的喜悅感，但她稱自己「諗諗吓又唔敢po」，她歸納出兩大原因，第一是因為覺得$11,000並非什麼大數目，恐怕自己一曬命的話會令人覺得「未見過世面」，第二則是因為害怕自己post完會被標籤為「拜金死港女」。事件令到事主都感到十分困擾。

網民撐事主冇問題

不過唔少網民都認為應該「鍾意Po就Po」，因為手袋是憑自己努力換取的，並沒有什麼問題，亦有人認為「買一兩個名牌袋唔等於係拜金」、「自己IG想Po咩就Po咩」、「開心Share下啫，唔使太擔心」等等，亦有網民分析可以用一個袋睇清身邊有咩人：「如果po一個袋可以令你睇清自己身邊係啲咩人，都唔係咩壞事。何況IG呢啲根本冇可能每個人都係你真朋友，如果下下po嘢都要係please人地或者係為維護自己形象，咁人生應該都過得幾辛苦。」。

但都有網民認為事主有顧慮是正常，將名牌女袋稱為「敏感嘢」，認為Po上網會令一眾朋友在背後有所議論。但有網民反駁指都要睇事主生活的圈子是如何，如果在平民面前的確會被認為是「曬命」，但在有錢人眼中其實唔算得咩！

該名事主都有po出自己所購入的名牌袋款，筆者於LV官網亦找到該款手袋，其為FÉLICIE STRAP & GO，袋款採用經典Monogram設計，而肩帶上更設有可拆式迷你收納袋，相當之實用。