港女收二手袋做情人節禮物即發爛渣 男友一句解釋：「當係自己孭耐咗孭舊咗囉！」

港女收二手手袋做情人節禮物即發爛渣 男友一句解釋：「依家興古著啊！」

港女分享自己與男大8年的男友拍拖，而對方一直都唔太識俾驚喜同儀式感。每次大時大節都是由事主一人主導，就連自己的生日蛋糕都要預備好。更指上年情人節對方直頭忘記了整件事，令事主都十分失望。

而今年情人節事主留意到對方想玩Switch，特地買了一部加埋隻game準備送俾對方，而且更book定staycation同自助餐打算與對方慶祝。男友當然沒有準備，事後收到禮物之後決定買「同等價值」的禮物送於女友。

事主男友最後將一個二手Chloe手袋送俾事主做情人節禮物，當場就嚇事主一跳。而且該二手Chloe手袋上仲要有明顯污漬、使用過痕跡，袋入面仲有原子筆痕跡同化妝品污漬，事主直指：「個面我用3張濕紙巾抹都仲係成張紙巾黑蚊蚊」。

事主男友解釋指：「幾千蚊嫁唔平嫁，我送禮物比你你仲咁嘅樣！」，更不解為何事主要咁介意是否二手，可以當作是自己用舊，更大爆一句：「而家興古著呀！」，事主大感屈辱。之後男友就將袋拎去退錢，話當無事發生過。

事主男友的舉動當然引來網民的不滿，建議事主可以直接分手，認為最大問題是對方根本冇心裝載，有網民更不解為何該類港男都能夠有女朋友。又有網民直指：「寧願送其他平啲但新淨嘅嘢都唔好咁掛。」。

有網民就指事主男友的解釋的確聽完令人十分失望，亦都指出其實在送禮方面，送二手物作為禮物的確有些不尊重，除非其單品屬於限量版或者絕版，例如Rolex的手錶等等。

原文如下：