網民熱議港女愛用名牌手袋Mini Size 「俾人見到個牌子就夠做啦！」

網民熱議港女愛用名牌手袋Mini Size 「俾人見到個牌子就夠做啦！」

近年不同品牌如Chanel、Loewe、Dior、Celine等都推出「迷你包」，外人俗稱其為「廢包」。其迷你的造型掛在身上如同飾物般存在，容量不堪入目，夠女生放完基本證件之後已經無法再安放其他物件。但廢包卻在香港大盛行，不難在街上見到有港女戴住不同品牌的廢包，真係好想知入面裝了什麼。

網民就發現香港地不少女生開始使用廢包，直言「十個有九個都用」，然後在手上再拎住一個印有名牌Logo的紙袋，盡顯身份地位，他就指出「點解一開始唔買大啲嘅袋？」，話題旋即都引起其他網民熱議。

冇錢買大袋充大頭鬼？

有網民就指出「無錢又想扮野」，隨即就被狠狠打臉。不少熟悉名牌的網民都指出其實這類「廢包」的價錢有可能比起正常Size的手袋來得更貴，而且不少廢包都要用「配貨」形式先有機會買得到。不過都有網民反駁指這類「廢包」點貴都貴不過同品牌的經典款式。

另外有網民就回應指「個大紙袋係比男朋友拎，自己用個細袋，輕輕鬆鬆行街。」，「裝到logo咪得囉」，「比人地睇到個牌子咪夠囉 」。更有網民分享名店Sales的售賣技巧：「大件野擺架車上面，手提電話用專用手提電話case襯，micro袋袋紙巾化妝品咁，見呢個袋代表你有車。」。

不過都有網民認為這類廢包能夠容易去襯衫，其整體比例會更好睇，不會出現用大袋令比例失衡的問題。亦有網民分享指現時「廢包」是目前流行的風潮，所以難免港女會追求用此類手袋。