「大美人」李嘉欣新相被批冇品味 扮少女反而出事！？
「大美人」李嘉欣新相被批冇品味 扮少女反而出事！？
近日李嘉欣在IG上post出新相，一襲黑色特殊剪裁的上衣以及灰色百摺短裙，再梳上標誌性的All Back馬尾，而手上卻拎著價值連城的Hermès鱷魚皮Birkin手袋，估計其炒價逾$50萬。不過該身穿搭最炒車位便是腳上的奇怪波點絲襪，完全為整體的outlook大打折扣。有網民直言「你咁樣扮後生反而顯得老」、「美人敵不過歲月 」。筆者見到對絲襪諗起《HellRaiser》入面隻惡魔….
其實除了以上穿搭「炒車」之後，李嘉欣都有唔少次在穿搭上中過伏，太過誇張的服飾或者造型令其相當出事。
1.Old School格仔裙
照片中李嘉欣穿上下擺有老土Laces的黑色內搭，再配上絨毛米色外套，下身則穿上舊式美國快餐店風格的紅色格仔短裙，再襯一對MK妹都未必再著嘅通花絲襪與直筒Boot。而背包則用上大Chanel，不過其包款上的啤牌圖案則好似隔離屋陳師奶個仔貼上去似的。
2.雞翼䄂之鬼
該造型中，李嘉欣穿上螢光綠的背心，再配多件灰色西裝背心，嚟個「Double背心」，之後腰間帶上一條應該是LV的腰帶，項鏈則選擇仲大過佛牌的正方形金屬感項鏈。因為背心的關係，呢張相中張嘉欣更是好似騷到「麒麟臂」，相當誇張。
3.「愛在激光中」登台Look
睇嚟大美人都好愛螢光色系，呢個Look中李嘉欣穿上黑色Bra Top作配搭，再加一件螢光西裝Blazer。咁都未夠！李嘉欣下身仲要加條銀色鱗片褲，似足80年代登台造型。
4.中國風Style
李嘉欣一襲白色長裙，荷葉領同手䄂用上黑色明線點綴，最特別係呢條長裙有唔同顏色珠珠作設計，睇上去好似啲「能量Bar」咁豐富！
5.章魚吸盤衫
呢套Styling最屈機便是紫紅色的上衣，其散落在衣服上的紅色波波有啲似章魚嘅吸盤，再整個撞色Hermes，果真有料！
6.華麗窗簾布
呢件白色上衣中的通花，疑似係李嘉欣搵工人裁下家中的窗簾布去改裝而成的。
7.咩色都有啲啦
最後呢套穿搭中，李嘉欣戴上灰色貝雷帽，穿上紫色長款背心，入面整件粉紅色長䄂，下身則以洗水藍格仔牛仔褲以配搭，再用上Chanel粉紅色手袋，整體上就係咩色都有啲。整個風格搭得最出色應該就係李嘉欣手中所抱住的小狗狗。
