張耀揚越老越有味道 只有烏鴉先Carry到的佬味穿搭！
廣告
「烏鴉」張耀揚今年踏入59歲，已經咁大歲數的他越老越有「佬味」，成為唔少男人心中的標榜。舊時在拍攝古惑仔時，一個耀揚以及一個烏鴉的形象深入民心，之後再一首成名曲「愛我啤酒」開拓內地市場，認真有料！
張耀揚越老越有味道 只有烏鴉先Carry到的佬味穿搭！
59歲的張耀揚繼續留著一頭標誌性長髮，再加埋白色鬍鬚的樣子，真係除咗佢都好難有第二個可以carry到呢個Look。在早兩年時陳慧玲澳門舉行大型派對時他同樣有現身，張耀揚穿上白恤衫打埋呔，包到實但都難掩fit到漏油的身形，連心口位恤衫都被胸肌撐爆，佬味十足，即引來網友們留言：「好耐冇見張耀揚，你好正呀」、「烏鴉好正」、「耀揚哥風采依然」等等。
白髮白鬚型到爆！
近年熱愛白髮白鬍鬚形象的他，與外國佬味十足的KOLNickelson Wooster望落都有幾分相似，就連穿衣風格亦十分相似。
標誌性長髮
年輕時總會帶點不羈感的張耀揚，一路都留住標誌性長髮，香港男星要數長髮都有型嘅，除了鄭伊健，第二個就係佢啦！由黑髮留到白髮，由不羈變到依家佬味十足，認真夠型。
肌肉Keep到半百仲有！
除了長髮之外，張耀揚一身的好肌肉，去到今時今日仍然努力Keep住，不時都被影到一把年紀仲會恆常做Gym，持之以恆的心令到張耀揚都值得有呢一身好肌肉。亦因為肌肉的線條令張耀揚增加一份男性雄風，簡直係「行走的賀爾蒙」！
輕鬆Carry超短褲
除了正裝之外，張耀揚近年亦跟上「超短褲」熱潮，短褲短到去大髀位，真係唔係人人都Carry到。不過張耀揚所散發的氣場以及自信，正正令其變成超短褲的最佳代言人，普通一件Oversized Tee加上一條超短褲，已經贏過好多人了！
圖片來源：IG，劇照，微博
