余文樂IG鼓吹自己對鞋食炒價網民：余文樂在潮流的確不行｜新蚊潮流｜

有六叔之稱嘅余文樂（樂仔）近日自家品牌Madness就同New Balance crossover推出咗一式兩款嘅990v2，其定價已經要$2,699港紙咁高。但樂仔神奇地就去大陸知名波鞋拍賣網「毒App」度Cap圖話自己對鞋未賣已經炒到$5,000幾，被網民即刻炮轟話佢支持炒賣。

撰文：凝結人丨圖片：Instagram、New Balance

余文樂IG鼓吹波鞋炒賣疑希望自己對鞋越炒越高

呢兩對Madness x New Balance 990v2都叫做利害，傳都已經傳咗差不多年幾時間終於推出，一推出就以超高定價$2,699發售，更加只限Madness官網抽籤，平凡人又點會抽得中呀？

呢對鞋4月22號已經有得抽，相信係潮人（或炒家）都想參與一下。而大陸地區更係第二日有得排隊抽籤買鞋，樂仔當然要Up下Story話俾大家知自己對鞋幾把炮，幾多人想要啦！跟住竟然出現一個「毒App」嘅當前炒賣價，睇嚟樂仔誠心到專登去「毒App」睇吓自己對鞋炒到幾多錢，叫大家多多支持！

呢個行為當然係受到大家炮轟啦，唔夠一陣樂仔就del咗個Story，睇嚟佢都淆底了！但係接住落嚟仲未完，樂仔IG開始俾人大規範炮轟，直到今日佢都仲係俾人體無完膚地X緊。當然啦，佢係冇回應㗎！（因為你哋唔係EDC呀！）

余文樂近況外貌大走樣？

余文樂近日被發現人在日本被女粉絲野生捕獲，從照片中所見，不但左右臉明顯不對稱，大小眼十分嚴重，右眼明顯撐不大及下垂，單邊面由眼、蘋果肌以至嘴都特別下塌…詳情請看

余文樂品牌Madness為何倒閉？

余文樂成立的個人品牌「Madness」，成軍以來都不斷爆出負面新聞，更多次捲入抄襲風波中，更被死對頭陳冠希EDC嘲笑品牌為「SADNESS」及「COPYNESS」。之後品牌再被爆多次抄襲日牌Visvim、Wtaps、Neighborhood等等，令Madness慢慢步向沒落…詳情請看

關鍵詞