Fashion嘅嘢…你要識中國風時裝崛起

上個禮拜時裝奧斯卡Met Gala以「中國：鏡花水月」為主題，大量明星都着上一襲襲充滿濃厚中國風情嘅晚禮服，Rihanna着上由中國設計師郭培設計嘅「煎蛋袍」，Sarah Jessica Parker戴上Philip Treacy嘅「北京奧運娃娃」頭飾，成為一陣熱話，雖然主題係中國，但絕大部分參加者嘅衫都係以歐美大品牌為主，就連一眾中港明星也如是（范冰冰由卜柯文設計嘅紫禁城禮服除外），完全唔撐中國設計師！其實除咗呢個Met Gala之外，近嚟中國風都開始流行，好似最近Adidas Originals同Rita Ora合作設計嘅服飾系列，用咗中國龍做主題，不過講到中國風，Yve Saint Laurent 1977年嘅高級訂造裝系列先算係經典！