港女揭6大港男樣衰出事穿搭 企領Polo永遠榜上有名!
廣告
香港地男生不少都對穿搭一竅不通,導致在街都出現不少「U記人」。而不少港男在穿搭上都會犯上禁忌,令到約會時或者出街時俾另一半扣晒分。港女眼中,有什麼穿搭是十分扣分呢?即刻睇睇!
港女揭6大港男樣衰出事穿搭 企領Polo永遠榜上有名!
1.大Logo Tee
品牌的Logo Tee相信大家都唔陌生,近年潮流偏向「細Logo」或者是「無Logo化」。大大個Logo印於T-Shirt上反而令到整個穿搭變得更加老土。而且再著大Logo Tee,更係變咗成個土豪一樣。
2.Polo裇(企領Ver)
正值City Boy風潮之下,Polo裇再次成為時下穿搭利器,一件Oversize Polo裇衫再加一條短髮,瞬間變成日系男孩。不過有些男性偏愛將Polo裇衫上的衣領立起變成企領,即時由日系男孩變成內地富豪爸爸….
3.窄身運動Jogger
曾經有段時間,波鞋文化導致Jogger興起,因為其褲款不會遮蓋波鞋,令到波鞋能夠突顯出來。而當時差唔多每位潮人都會有一條窄身運動Jogger,而adidas或Nike的運動Jogger都成為了潮流所致。不過時過境遷,窄身Jogger真係唔再興了,可以唔再穿了!
4.緊身系服飾
唔少男性會穿著一些緊身系服飾,務求能夠突顯出自己身材。不過其實太緊身的服飾,反而會令自己化身成為一個特工look。而如果雙腳唔夠肌肉而穿著緊身褲的話,令到雙腳變得太幼亦影響比例,有時候更會令「大鵰」現形,不了不了~
5.拖鞋襯長襪
唔少打波人士都熱愛著著拖鞋加對長襪,其風潮亦變成了潮流人士的著法。人手一對Nike拖鞋再加一對Nike襪出街,變成了「公廁」穿搭。不過如果是穿著Yeezy Slide或者是Merrell的Hydro Moc,都係著返襪會好少少。
6.周身Logo
對於名牌愛好者,不時都永遠將身上所有Brand都展現出來,在每個身體部分都要讓外人知道自己著緊咩以及要Show off幾有錢。不過在女生眼裡只會見到「土豪」兩個字。另外,過多Logo亦會令穿搭變得累贅,反而一些無明顯品牌Logo的品牌成為了時下潮流所趨,例如是「永遠的神秘」Maison Margiela。
圖片來源:劇照,IG@edanlui,小紅書,微博,Clavin Klein,IG@ansonlht,蘋果日報,IG@rucochan