陳苑澄前女團As One爆內幕為同行發聲:排舞師唔好咁黐線﹗
陳苑澄爆seed:呢一行會永不錄用呢幾個人
陳苑澄(Tania)在社交網貼出一張《MIRROR.WE.ARE LIVE CONCERT 2022》8 月3日的門票,以「關於表演」為題發長文,為舞蹈員發聲,鬧爆引致意外發生的涉事者,「其實係咪應該有人要引咎辭職呢?以及呢一行會永不錄用呢幾個人,個個講等警方調查,查就一定要查,到時係邊個要坐監邊個要賠償,到時查完會點判刑係另一回事。出軌、嫖妓、傳出醜聞的藝人都反唔到身,依家係關乎人命的事故,唔係唔理呀?」
![陳苑澄 前女團 MIRROR演唱會](https://imgs.nmplus.hk/wp-content/uploads/2022/08/-2022-08-04-11.33.10_213695185662eb3e2c8dbf1.png)
「搵律師代表你哋發聲,唔好比啲人側側膊耍走左」
陳苑澄(Tania)指在MIRROR演唱會的舞蹈員就算身體上沒有受傷,都應該要去追討合理賠償,「要搵律師代表你哋發聲,唔好比啲人側側膊耍走左」Tania又指這次事故是關乎整個行業,提出必須要確保將來的演出要為表演者買保險,賠償包括綵排時的受傷﹗她續指:「表演者的工作時數規管、薪金調整,一個show要有幾多%有經驗(8年?maybe)的大師兄師姐帶住,幾多%係新人。一個show 一定最少要排幾多個鐘,以確保所有人係熟悉啲機關、通道、位置、自己要做啲乜(舞步)、等等。仲有啲衫十斤重都唔緊要啦,有時真係靚啲既,但可唔可以加啲護膝護爭?唔洗下下跳contem就唔著鞋姐,可以做對軟啲既鞋。」
大爆排舞師的不合理要求:排舞師唔好咁黐線
同時大爆排舞師很多時都會有不同的要求,甚至乎是不合理的要求,要求舞者做出高難度動作,「係咪要有forbidden move? 叫dancers 2樓打個後空翻落地呢啲我真係聽唔少,當然排舞師要創作,排啲新動作,好睇既,所以一定開始排舞前就要work野試動作,dancer 自己要量力而為,排舞師都唔好咁痴線。唔好再監平監賤咁賣,蝦啲學生唔識,人工又低,工時又長,紅館個台真係唔係咁易行!」
![陳苑澄 前女團As One四成員﹗](https://imgs.nmplus.hk/wp-content/uploads/2022/08/957898eb-46dd-4e2a-88c5-b50ed521d617_151736765962eb4414cf2e6.jpeg)
「台底啲釘次次周地都係」
陳苑澄指舞台安全措施方面,自己唔係專業,但希望改善「台底要有燈,啲釘次次周地都係呢啲。」並強調自己發聲「唔係要攞d咩着數,唔係想鬧下發洩下,係真係希望會有改變而唔係以後只可以打啲燈坐係度唱歌」發文後有不少dancers畀like及感謝她發聲,而《全民造星4》導演Hitmos更轉發,但身為ViuTV藝人的好姊妹葦璇卻未有畀讚﹗
![陳苑澄](https://imgs.nmplus.hk/wp-content/uploads/2022/08/-2022-08-04-10.35.53_2839774562eb455b81a1e.png)
港姐五強 簽約無綫
18年參選香港小姐的陳苑澄,於2012年以組合「As One」成員身份出道,曾推出過《Catch Me Up》、《Candy Ball》等作品,與成員蘇皓兒、陳葦璇(當時叫陳嘉茵)成為好友,陳苑澄在2017年便與舊公司解約,18年參選了香港小姐更成功晉身最後5強,之後簽約無綫。2021年風光嫁老字號酒行太子爺Gary,6月誕女﹗
![陳苑澄 去年底出嫁,滿身金器﹗](https://imgs.nmplus.hk/wp-content/uploads/2022/08/-2022-08-04-12.09.13_113288189062eb46b15628c.png)