「大陸版豬肉威佩奇哥」高顏值街市爆紅 激似王嘉爾？！
廣告
去年5月因貌似MIRROR成員AK而爆紅嘅荃灣豬肉佬劉宋威（威威）令一眾婦女聞風而至都要去荃灣買豬肉，甚至有粉絲為佢開設應援群組「荃灣鮮肉威威應援團」，一夜之間成為唔少網友話題！近日內地惠州街市就有一位「豬肉佬」憑韓星look+身高1米85在街市意外走紅，更有網友話好似王嘉爾！
內地版「威威」一夜爆紅！ 竟遭網友指責？！
原來呢位內地版「威威」係內地惠州街市某豬肉檔老闆人稱「佩奇哥，今年22歲，近日因爲在直播平台賣豬肉意外爆紅，粉絲追蹤人數一日之間就急升至10萬粉絲。不過同樣人紅是非多，有網友就狠批「佩奇哥」咁後生唔好好讀書，咁早出社會工作以後都唔會有幾好前途，甚至表示賣豬肉「成手」都係油係「不務正業」，完全係丟架！
「佩奇哥」霸氣回應：「乜都唔做先丟架！」
事後「佩奇哥」接受傳媒訪問時，就表示選擇做「豬肉佬」係因爲媽媽身體唔好，所以想幫去一齊賣豬肉，今年已經踏入5年。今次意外走紅佢都話好意外，認為係一個普通嘅職業，希望自己可以鼓勵到回鄉創業嘅後生仔。對於網友嘅謾罵，「佩奇哥」就霸氣回應：「20歲出頭做乜都唔丟架，乜都唔做先丟架！」，獲不少網友夠貼地！
港版「威威」回歸平淡生活
至於去年爆紅嘅「威威」風頭一時無兩名，其後自疑似威威舊照和黑歷史流出，加上除口罩露出蘆山真面目後，人氣完全係急劇下跌，短短入行57日疑因負面新聞不斷忽然退隱。不過更有人指佢回歸平淡生活，已經重返豬肉檔工作。
荃灣豬肉佬威威近期的狀況是?
被譽為「荃灣豬肉AK」的威威劉宋威，自除罩拍廣告後人氣急跌，消失多日的他再次回歸肉檔，早前有指為了避花生友同傳媒而進入室內工作，不過近日疑似再去返「幕前」，一張月頭被捕獲的照片可見，威威一改以往的灰白髮色，改以金髮示人，江湖味十分之濃。…詳情請看
荃灣豬肉佬威威的Fan Page還有運作嗎?
一早就有網民發現「豬肉威威」一向活躍的粉絲群組「荃灣鮮肉威威應援團」對上一個post已經是…詳情請看
圖片來源：佩奇哥@抖音、IG@waiwai_608、IG@jacksonwang852g7
