KOL莊撞Jon Jon力撐KKplus無錯！ 大鬧網民係「onx」！

KOL Jon jon大鬧網民係愚民！

kol Jon Jon對於小朋友整爛朗豪坊kk plus的天線得得b公仔事件大怒，於ig po出網民留言仲一一讀出「如果真係咁矜貴同埋咁容易整爛，點解唔係圍住佢或者作出任何設施，而係放喺中間，隨時會發生意外」「咁大舊嘢放路中心，擺明搵老闆」Jon Jon對此大鬧，亦作出比喻「呢啲comment係onx架，呢啲人返屋企瞓啦，思維即係女人著性感啲就要俾人非禮，呢啲人係愚民」勁踩facebook同高登討論區的人係「onx」！指出網民咁做係屈返kk plus轉頭，問網民「你去瓷器鋪行時，你唔咁講」又po出該父母的fb post指「如果你間鋪都有幾萬元的嘢，比人推冧咗，整爛咗，你會唔會要求對方賠？」Jon Jon認為如果網民是選擇會的話，就不應鬧店鋪，指出個仔係自己生，而個公仔又已經唔係第一日於店鋪中，大叫網民唔好咁「低智」！Jon Jon話口未完，連環出幾個ig story大鬧，話網民同內地人無分別，整爛嘢要賠係合情合理，認為3萬元並不是太多，指留言鬧kk plus的人是「世界觀仲係好細，真係以為玩具仲係＄5、＄10一件？」，強調「無法判斷是非枉為人」！

網民質疑Jon Jon同kk plus甚有交情？！

jon jon立埸明顯力撐kk plus 即照惹網民不滿，有網民就質疑jon jon 係同kk plus熟，所以咁出面維護，jon jon就否定指「唔係因為我同kk plus熟所以咁忟憎，係好x多愚民，人芸亦芸，無批判力，你班大人究竟想建構怎樣的世界給你班尊貴的孩子」唔少網民睇完都勁嬲，仲表示要unfollow jon jon，「對你好失望，已unfol」「明明雙方都有錯」「唔啱聽就屈人小粉紅」「器鋪會唔會幾十萬放係路中心冇圍欄冇保護裝置任人掂呀？博物館展品都有夾層玻璃箱封住啦」討論區的網民仲搵咗公仔的價錢出嚟比較，指根本唔值5萬多元。

重溫相關文章：小朋友整爛KKplus天線得得B公仔慘賠3萬多元 但今次家長唔駛考牌！？