羅嘉良陳錦鴻相隔23年再度合體 網友勁激動 希望開拍《創世紀2024》
羅嘉良、陳錦鴻 相隔23年再度合體!
近日網上晒出多張二人西裝look在辦公室內拍攝的照片,《創世紀》的葉榮添及許文彪相隔23年再度合體!照片中,陳錦鴻保養不錯,羅嘉良眼袋較大,望落比較顯老。
![羅嘉良 陳錦鴻 《創世紀》的葉榮添及許文彪相隔23年再度合體!](https://imgs.orientalsunday.hk/wp-content/uploads/2023/09/3f6f7fe9-c200-48a7-a8ae-183bc47c36d6_17475269466503e1827ccf8.jpg)
網友希望加埋郭晉安
照片一出惹來不少猜測,有人估計他們正在拍廣告,亦有人猜測陳錦鴻是否客串《家族榮耀之繼承者》,甚至更有網友希望召喚當年飾演「馬志強」的郭晉安,實現三兄弟再聚!
![羅嘉良 陳錦鴻 照片一出惹來不少猜測,有人估計他們正在拍廣告](https://imgs.orientalsunday.hk/wp-content/uploads/2023/09/008_0_7291189646503e198cd72b.jpg)
許文彪經典金句:呢個世界公平咩?
當年TVB逾百集經典劇集《創世紀》及《創世紀II天地有情》,橫跨1999年至2000年播出,有羅嘉良、陳錦鴻、郭晉安、郭峰、古天樂及陳慧珊等好戲之人,至今仍是神劇,當中大量金句, 現在重溫依然聽到人入心入肺!不得不提就是許文彪經典金句:「呢個世界公平咩?」
「我唔係冇嘗試過,我嘗試安分守己,日做夜做,賺嗰少少錢!我試過!但係外面嗰啲人,外面嗰啲人!佢哋識建築起咩?佢哋只係識拎少少錢出嚟,花啲啲時間,將樓價炒高不斷賺大錢!咁叫做公平咩?你去問吓佢哋!隨便問一個人!問吓佢哋需要啲咩!
佢哋啲答案好簡單,只想要一間好普通好普通嘅樓!點解佢哋要用成世人時間去供一層樓呀?因為嗰啲有錢人玩嘢呀!愈有錢就愈玩得起!呢個世界公平咩?呢個世界公平咩?!」
60歳羅嘉良殘樣拍《家族榮耀之繼承者》
現年60歳的視帝羅嘉良離開娘家後,近年將演藝事業重心轉移內地。今年6月,羅嘉良亦有份到馬來西亞拍攝商戰劇《家族榮耀之繼承者》,近日網上釋出一段幕後花絮,眾人現場認真對戲,火花十足!不過片中羅嘉良以新髮型示人,被指有些老態,網友更留言保養力度不及兩大綠葉演員劉江同許紹雄。令網友不禁表示:「殘過劉江許紹雄」 、「當年男神崩壞了」 、「基因發生變化了,就好比萬梓良,老了就失去了明星相。」
![羅嘉良 陳錦鴻 羅嘉良近日演出《家族榮耀之繼承者》 飾演富商一角。](https://imgs.orientalsunday.hk/wp-content/uploads/2023/09/008da68ely1hhg3wxfjavj30u01hckg2_7335206526503e4a70fc6c.jpg)
陳錦鴻好喜歡內地生活及工作 每朝聽國歌
陳錦鴻主力北上吸金搵真銀,接受內地傳媒訪問時指自己好喜歡內地生活及工作,於是近年亦於內地置業,入手一間90平方米(約969平方呎)位於廣州的屋。陳錦鴻更表示喺內地生活就可以更深入感受祖國,所以佢希望自己的兒子長大之後都可以跟佢返去內地生活,嚟學嘢又好、生活又好,總需有個地方。陳錦鴻仲透露佢每日都睇央視新聞頻道學普通話,而仔仔就跟北京老師學,仲話自從回歸之後,佢哋每朝7點,香港電視播國歌的時候,佢同個仔都會起立,感受作為中國人的驕傲!
![羅嘉良 陳錦鴻 陳錦鴻](https://imgs.nmplus.hk/wp-content/uploads/2022/07/-2022-07-13-1.18.38_132396535862ce55c557bbc.png)
陳錦鴻為照顧兒子息影
陳錦鴻兒子患有自閉症及中度智障,被視為「周潤發接班人」陳錦鴻與太太杜雯惠為了照顧兒子而全面停工,早前搬到西貢村屋居住,親自教導仔仔。多年間他為愛兒豪花3000萬元冶病,經過一番的努力後,仔仔小學時已可以返上主流的學校就讀,仲拎過全級第一名!不過因息影多年,2019年正式復出卻今非昔比,為了維持生計開始接一些以往不會參加的商業活動。
![羅嘉良 陳錦鴻 陳錦鴻](https://imgs.nmplus.hk/wp-content/uploads/2022/07/-2022-07-13-1.19.10_201879929462ce55d61fb01.png)